Actas do Seminario Internacional O futuro da memoria - Arquivos de ...

Plan de Modernización
Xunta de Galicia–Xestión Documental
María José García Sexto
Xunta de Galicia. Subdirección Xeral de Sistemas
de Información e Modernización da Administración Pública
O desenvolvemento da eAdministración para o exercicio dos
dereitos dos cidadáns.
A Administración electrónica non é algo recente, o estado das tecnoloxías da
información e a comunicación facilita dende hai varios lustros a posibilidade
de abordar a tramitación electrónica do procedemento.
A Lei 30/1992, de 26 de novembro, de réxime xurídico das administracións
públicas e do procedemento administrativo común (LRJAP-PAC) xa recollía
nalgúns dos seus artigos o impulso por parte da Administración do emprego
e aplicación de técnicas e medios electrónicos, informáticos e telemáticos
co obxecto de desenvolver a súa actividade e o exercicio das súas competencias
así como habilitaba a posibilidade de que os cidadáns poidesen relacionarse
coas administracións públicas para exercer os seus dereitos a través
de técnicas e medios electrónicos, informáticos ou telemáticos cando isto
fose compatible cos medios técnicos de que dispuxeran estas.
Deixábase en mans das propias administracións determinar se os cidadáns
ían poder de modo efectivo, ou non, relacionarse por medios electrónicos
con elas, segundo que estas quixesen poñer en pé os instrumentos necesarios
para esa comunicación.
A evolución tecnolóxica, o grao de penetración dos ordenadores e o número
de persoas con acceso a internet cambiou nos últimos anos o escenario
tecnolóxico da sociedade. Os cidadáns, ao igual que noutros contextos da
vida diaria, afanse ás relacións telemáticas. Comprar un libro, realizar operacións
bancarias ou reservar os billetes de avión e hotel, son accións cotiás
que xa se fan habitualmente no contexto telemático. Igual consideración deben
ter as relacións coa Administración pública.
É importante lembrar que todos os cidadáns (tanto persoas físicas como
no ámbito da actividade empresarial ou profesional) nalgún momento da no-
303