Actas do Seminario Internacional O futuro da memoria - Arquivos de ...

¬ A formación tecnolóxica do persoal responsable da execución e do
control da xestión de documentos, como do seu tratamento e conservación
en arquivos ou repositorios electrónicos.
¬ A documentación dos procedementos que garantan a interoperabilidade
a medio e longo prazo, así como as medidas de identificación,
recuperación, control e tratamento dos documentos electrónicos.
Establécese, ademais, que as administracións públicas crearán repositorios
electrónicos, complementarios e equivalentes en canto á súa función aos arquivos
convencionais, destinados a cubrir o conxunto do ciclo de vida dos
documentos electrónicos. Enténdese aquí por repositorio electrónico o arquivo
centralizado onde se almacenan e administran datos e documentos electrónicos,
e os seus metadatos.
En segundo lugar, trátase a seguridade relativa á recuperación e conservación
dos documentos electrónicos. Para este fin se establece que se debe
aplicar o previsto no Real decreto 3/2010, de 8 de xaneiro, polo que se regula
o Esquema Nacional de Seguridade no ámbito da Administración electrónica,
en relación co cumprimento dos principios básicos e dos requisitos
mínimos de seguridade, mediante a aplicación das medidas de seguridade
adecuadas aos medios e soportes nos que se almacenan os documentos, de
acordo coa categorización dos sistemas; e que:
estas medidas se aplicarán co fin de garantir a integridade, autenticidade, confidencialidade,
dispoñibilidade, trazabilidade, calidade, protección, recuperación
e conservación física e lóxica dos documentos electrónicos, os seus soportes
e medios, e se realizarán atendendo aos riscos aos que poidan estar expostos
e aos prazos durante os cales deban conservarse os documentos.
Figura 1: Medidas
para a recuperación
e conservación do
documentos
electrónico.
281