Actas do Seminario Internacional O futuro da memoria - Arquivos de ...

82
Os temas relacionados co Dereito inclúense en Arxentina (Dereito Constitucional
e Administrativo) e en Brasil (Introdución ao Dereito Público e Privado
e dereito Notarial).
No caso das materias relacionadas coas tecnoloxías, tan necesarias para a
abordaxe dos temas relacionados co goberno electrónico, existen diferentes
denominacións e graos de profundidade na súa atención. Arxentina, Uruguay
e Venezuela só contan cunha asignatura deste tipo nos seus programas,
Procesamento de Datos ou Introdución ao Procesamento Automático
de Datos. Costa Rica, conta con dúas: Introdución á Informática Documental
e Aplicacións Informáticas para os Arquivos), ao igula que Colombia con
Teoría Xeral de Sistemas, Bases de datos, Tecnoloxías de Redes. O plan de estudo
de Brasil resulta ser o máis completo pois inclúense materias tales como
Introdución á Ciencia da Computación, Redes de Computadoras e Internet,
Arquitectura da Información Dixital, Automatización en Arquivos e Xestión
Electrónica de Documentos.
Só dous países inclúen nos seus plans de estudos materias relacionadas
cos usuarios da información, son os casos de Costa Rica, que imparte a materia
de Estudos sobre Usuarios da Información, e Venezuela, que ofrece
Usuarios e Servizos nas Unidades de Información. É significativo que estes
contidos aparezan nas dúas carreiras que comparte os estudos arquivísiticos
cos de Bibliotecoloxía.
Así mesmo existe un grupo pequeno de materia moi relacionadas coa realidade
contextual dos plans de estudo que non consideramos necesario observar
aquí.
❚ Alfabetización informacional
Os estudos de alfabetización informacional chegaron ao terreo das ciencias
da información sobre a década do 70 do século XX, procedentes dos
campos da xestión empresarial e os recursos humanos, así como das áreas
de converxencia entre a pedagoxía, a didáctica, a psicoloxía educativa e a socioloxía.
(Malheiro, 2008). No ámbito bibliotecario transitouse paulatinamente
dos tradicionais servizos de información de usuarios cara os chamados
programas de alfabetización informacional, que facilitan a adquisición
por parte dos usuarios de habilidades e destrezas para enfrontar os novos escenarios
de información no medio dixital. O enfoque inicial, dende a perspectiva
do sistema ou centrado nos servizos, adoitaba deixar ao usuario ao
final do proceso da información como un consumidor pasivo, cuxas características
sociais se consideraban nun sentido restrinxido. En contraste a alfabetización
informacional parte de recoñecer o papel activo do usuario neste
proceso, non só no uso, senón tamén na organización e representación da