Actas do Seminario Internacional O futuro da memoria - Arquivos de ...

306
vel estratéxico polo seu potencial para impulsar a modernización das administracións
públicas, así como pola súa capacidade para estimular e sustentar
o desenvolvemento social e económico de Galicia.
O Plan de Modernización da Administración Pública na Xunta de Galicia
(plan para o desenvolvemento da e-Administración) baséase na mellora e
modernización dos servizos que se ofrecen ao cidadán. Apóstase polo desenvolvemento
e uso das TIC na actuación administrativa para auxiliar na tramitación
do procedemento administrativo e facilitar a participación e información
en tempo rela da cidadanía:
❚ Ofertar novos servizos aos cidadáns que se relacionan coa Administración
autonómica e canalizalos a unha relación electrónica ou telemática.
❚ Prestar unha atención personalizadas á cidadanía, mediante un punto
único de contacto.
❚ Fomentar o uso das novas tecnoloxías nas relacións coa Administración
pública.
❚ Promover a proximidade co cidadán e a transparencia administrativa.
❚ Aumentar a competitividade de Galicia, facilitando e mellorando o acceso
aos servizos.
Do procedemento ao procedemento electrónico.
Do documento ao documento electrónico. Do expediente ao
expediente electrónico. Do arquivo ao arquivo electrónico.
Calquera desenvolvemento da Administración electrónica, estrutúrase arredor
dun cambio no escenario de actuación, ao dar o salto ao marco dixital e
electrónico. De forma xeral, calquera procedemento administrativo supón:
❚ A presentación por parte do cidadán e rexistro, do formulario e documentación.
❚ Xestión por parte da administración. Verificación da documentación e
do cumprimento dos requisitos establecidos.
❚ Pagos de taxas, se é de aplicación, por parte do cidadán.
❚ Emisión das resolucións por parte da administración.
❚ Notificación ao interesado.
❚ Arquivo do expediente por parte da administración.
❚ Consulta por parte do cidadán do estado da súa tramitación.
É imprescindible levar estas actuacións ao escenario electrónico, e falar de
presentación electrónica, notificacións electrónicas, pasarelas de pago, consulta
on-line do expedientes administrativo. No desenvolvemento da administración
electrónica e en concreto da tramitación electrónica do procede-