Actas do Seminario Internacional O futuro da memoria - Arquivos de ...

darios (en tanto opostos ao seu valor administrativo primario como documentos
de xestión), incluso incluído o seu evidente valor ‘intrínseco’.
Como a incapacidade para enfrontarse ás demandas departamentais de
autorizacións de valoración e selección de documentos, e o recoñecemento
dun ‘proceso de valoración’ libremente baseado na taxonomía de valores de
Schellenberg —e que chegaba a ter unha intuición pseudo-histórica altamente
subxectiva— estaban inhibindo o progreso na valoración e selección
de documentos como unha materia horizontal de política pública, o Arquivo
Nacional comezou a ponderar e a analizar os resultados acumulados da súa
aproximación á determinación do valor arquivístico e histórico en relación
cos documentos do goberno que estaba a adquirir (e que adquiriu ao longo
do tempo). De maneira rápida chegou a algunhas importantes conclusións:
❚ Tanto a taxa de inxesta como a extensión física dos documentos de
arquivo gobernamentais conservados polo AN estaban a medrar a un
ritmo cada vez máis alarmante.
❚ Unha significativa proporción destes documentos, ou contiñan información
xenericamente duplicada, ou consistían ademais en expedientes
repetitivos e en gran medida homoxéneos relativos a transaccións
de programas e servizos básicos do goberno.
❚ Os documentos importantes da actividade do goberno aos niveis
máis altos de formulación de políticas, toma de decisións e xestión de
programas só se estaban a transferir ao AN de maneira esporádica,
coincidindo cunha desproporcionada representación arquivística e
unha adquisición de documentos que documentaban actividades de
baixo nivel, burocráticas.
❚ A natureza das actividades do goberno evolucionara significativamente
dende o as anos sesenta do século vinte, cambiando no último
extremo a natureza da documentación que creaba e xestionaba, e dando
como resultado o que nominalmente pasaba por criterios de valoración
arquivística en gran medida inadecuados ou ineficaces.
❚ Non existía coherencia nin constancia na natureza da toma de decisións
sobre valoración a nivel operativo de implantación (variaba de
persoa a persoa ou de aplicación a aplicación).
❚ O volume de documentos producidos ou acumulados polo goberno
medrara en tal medida que xa non era factible ponderar o seu valor arquivístico
expediente por expediente nin documento por documento.
De feito, as circunstancias volvéranse completamente insostibles, na medida
en que os documentos do goberno estaban a ser adquiridos polo Ar-
233