Actas do Seminario Internacional O futuro da memoria - Arquivos de ...

Para establecer as habelencias necesarias enunciada no primeiro punto
(arquiveiros alfabetizados informacionalmente) existen un conxunto de estándares
internacionais que, como xa se apuntou axudan, utilizándoos con
sentido crítico, a determinar indicadores e resultados que deben terse en
conta nos plans de estudos de formación superior. Para as competencias respecto
á alfabetización informacional de usuarios deberá prestarse especial
atención aos resultados das axendas de investigación emprendidas no ámbito
das ciencias da información na actualidade. No entanto, consideramos
que un conxunto de habelencias e destrezas que deberán estar necesariamente
presentes deben enfocarse en:
¬ a creación e o mantemento de información veraz, confiable, autentica
e accesible;
¬ a capacidade de avaliar a inclusión no deseño de sistemas de xestión
documental aspectos que faciliten a participación cidadá, a transparencia,
a responsabilidade e rendición de contas por parte dos gobernos;
¬ a capacidade de avaliar información que reflicta actividades sociais
relacionadas coa participación cidadá.
Conclusión
A emerxencia de iniciativas de goberno electrónico na América Latina e o
Caribe durante os últimos vinte anos supuxo a aparición dun número crecente
de aplicacións electrónicas que xeran importantes volumes de información
dixital. Iso supón a aparición dun novo escenario de actuación para os arquiveiros
da rexión e novas responsabilidades fronte aos cidadáns. A insuficiente
abordaxe dos temas relacionados co acceso e uso á información e os usuarios
nos plans de estudos superiores de Arquivística na área, reflexo pola súa
vez do estado de desenvolvemento desta ciencia, favorece a introdución da
alfabateización informacional con propósitos de formar arquiveiros alfabetizados
informacionalmente e preparados para fomentar habelencias de alfabetización
informacional no seus usuarios.
87