Actas do Seminario Internacional O futuro da memoria - Arquivos de ...

282
O Esquema Nacional de Seguridade recoñece que a garantía da recuperación
e a conservación dos documentos electrónicos forman parte tamén da
seguridade.
Así, o principio básico de seguridade de prevención, reacción e recuperación
contempla de forma explícita que:
sen mingua dos demais principios básicos e requisitos mínimos establecidos, o
sistema garantirá a conservación dos datos e informacións en soporte electrónico
e que
de igual modo, o sistema manterá dispoñibles os servizos durante todo o ciclo
vital da información dixital, a través dunha concepción e procedementos que
sexan a base para a preservación do patrimonio dixital.
Por outra parte, o requisito mínimo de protección da información almacenada
e en tránsito establece que:
forman parte da seguridade os procedementos que aseguren a recuperación e
conservación a longo prazo dos documentos electrónicos producidos polas administracións
públicas no ámbito das súas competencias.
Ao cal se engade que:
Toda información en soporte non electrónico, que fose causa ou consecuencia
directa da información electrónica á que se refire o presente real decreto, deberá
estar protexida co mesmo grao de seguridade que esta. Para iso se aplicarán
as medidas que correspondan á natureza do soporte en que se atopen, de conformidade
coas normas de aplicación á seguridade dos mesmos.
No terreo máis concreto das medidas de seguridade, as denominadas medidas
de protección inclúen apartados dedicados á protección da información
que recollen medidas relativas a datos de carácter persoal, cualificación
da información, cifrado, sinatura electrónica, selo de tempo, limpeza de documentos
e copias de seguridade; e á protección dos soportes de información
que recollen medidas relativas a etiquetado, criptografía, custodia,
transporte, borrado e destrución.
Volvendo ao Esquema Nacional de Interoperabilidade, en relación cos aspectos
relativos á sinatura electrónica na conservación do documento elec-