Actas do Seminario Internacional O futuro da memoria - Arquivos de ...

dementos relativos ao acceso a unha actividade de servizos e o seu exercicio.
Este escenario regulamentario compleméntase coas seguintes normas básicas
que deben dirixir calquera actuación no marco do desenvolvemento da
Administración electrónica:
❚ Real decreto 3/2010, do 8 de xaneiro (BOE do 29 de xaneiro), polo que
se regula o Esquema Nacional de Seguridade no ámbito da Administración
electrónica, que busca a creación das condicións necesarias de confianza
no uso dos medios electrónicos, a través de medidas para garantir
a seguridade dos sistemas, os datos, as comunicacións, e os servizos electrónicos,
que permita aos cidadáns e ás administracións públicas, o exercicio
de dereitos e o cumprimento de deberes a través da aplicación segura
destas tecnoloxías.
❚ Real decreto 4/2010, do 8 de xaneiro (BOE do 29 de xaneiro), polo que
se regula o Esquema Nacional de Interoperabilidade no ámbito da administración
electrónica, que persegue a creación das condicións necesarias
para garantir o adecuado nivel de interoperabilidade técnica, semántica e
organizativa dos sistemas e aplicacións empregados polas administracións
públicas, que permita o exercicio de dereitos e o cumprimento de deberes
a través do acceso electrónico aos servizos públicos, á vez que redunda
en beneficio da eficacia e a eficiencia.
❚ Lei 59/2003, do 19 de decembro de 2003, de sinatura electrónica, que
regula a sinatura electrónica, a súa eficacia xurídica e a prestación de servizos
de certificación.
As administracións públicas están inmersas nas reformas administrativas
necesarias para acadar a excelencia do servizo e mellorar a calidade de vida
do cidadán. Deben facer fronte a esta obriga nun contextos cada vez máis
esixente.
Os cidadáns e empresas están cada vez mellor informados e son cada vez
máis esixentes, as condicións económicas e sociais son difíciles e cambiantes,
e internamente fan fronte aos cambios organizativos e incluso institucionais
que o impacto das novas tecnoloxías da información e comunicación ten na
forma de realizar a súa actividade. A demanda por parte da cidadanía e as
empresas dun enfoque integrado e integral dos servizos que presta a administración
é unha realidade dende hai anos, que aumenta de intensidade
conforme pasa o tempo.
É neste contexto no que a Xunta de Galicia asume que as tecnoloxías da
información e as comunicacións (TIC) constitúen un instrumento de alto ni-
305