Actas do Seminario Internacional O futuro da memoria - Arquivos de ...

en particular comunidades e individuos que son os asuntos do documento,
de particular relevancia para grupos minoritarios. As aplicacións máis
simples por parte das institucións inclúen comentarios narrativos dos usuarios,
por exemplo, o Diary of an Anzac del Australian War Memorial (Australian
War Memorial, 2010). Un exemplo dunha organización arquivística
asutraliana que está a utilizar tecnoloxía wiki é a Public Record Office de
Victoria (PROV). O wiki da PROV permite que calquera engada información
descritiva a un documento que foi aberto ao público, pero segue a estar
pouco claro quen posúe ou conserva estas «anotacións». En arquivística
unha anotación é un termo que se refire á adición feita a un documento
despois de que foi creado, incluídos os adxuntos e os códigos de clasificación,
vinculados a sistemas de rexistro (University of British Columbia,
2000). Esencialmente, as anotacións son unha forma de metadatos de xestión
de documentos, pero tamén poderían considerarse metadatos por dereito
propio. Os usos legais das anotacións ao documento inclúen o dereito
a emendar información persoal inexacta engadindo unha corrección por
medio dun sistema de notación ao documento orixinal, usualmente por vía
da lexislación de liberdade de información; ou o dereito a contribuír ao
propio documento persoal por medio dunha anotación, adoptado pola lexislación
sobre privacidade sanitaria e algunhas iniciativas «de todo o goberno»
sobre e-sanidade.
A propiedade das anotacións pode depender de si se incorporaron a unha
«obra» existente ou se as anotacións considéranse novo material que non
«transforma» a obra orixinal. A licenza e a cesión polos propietarios do sistema
de anotación poderían aplicarse neste último caso. Os contribuíntes individuais
de anotacións poderían adoptar sistemas de licenciamento de contido
aberto, como «Creative Commons», deseñado para ser usado polos creadores
que desexen permitir, ou incluso promover, o que outras persoas distribúan
ou transformen as súas obras na medida en que se recoñeza a todos
os autores. No entanto, é probable que a wiki de PROV cre novo material
que non está incorporado a un documento existente. Supervisa a súa wiki e
pode retirar material do que considere que é obxectable. Os protocolos para
os usuarios inclúen unha «etiqueta nos posts» que minimiza as cuestións
legais (Public Record Office of Victoria, 2010).
Un modelo de e-gobernanza debe ter en conta o control sobre as funcións
de interese público desempeñadas polo sector privado e a crecente
interacción en liña do cidadán co goberno, as empresas e as comunidades
para proporcionar dereitos políticos, civís e culturais que son paralelos de
aqueles que evolucionaron para os documentos do goberno, incluídos os dereitos
de acceso á información de interese público. A Web 2.0 foi considera-
55