Actas do Seminario Internacional O futuro da memoria - Arquivos de ...

zos web, con APIs abertas que sexan capaces de capturar, avaliar e seleccionar
os documentos de forma automática.
Ross Harvey e Pepita Raventós repasan nos seus relatorios as estratexias
de conservación de documentos electrónicos. No primeiro caso, desde un
punto de vista eminentemente teórico; no segundo, cunha revisión das experiencias
prácticas de conservación dixital no mundo baseadas na aplicación
do modelo OAIS e os esquemas de metadatos.
Seamus Ross defende, a partir de investigación recente desenvolvida nos
últimos anos con financiamento da Unión Europea, a necesidade de progresar
na automatización, na medición e na experimentación do risco asociado
coa creación e mantemento de repositorios dixitais como medio de mellorar
as políticas e as prácticas de conservación dixital.
Richard Brown analiza a experiencia da Biblioteca e Arquivo de Canadá na
implantación e desenvolvemento da macrovaloración desde os primeiros anos
da década de 1990 e os retos a que se enfronta este método de avaliación e
selección documental á luz dos cambios introducidos nos últimos anos coa
aparición do documento dixital e as novas culturas e formas participativas de
traballo, enfocadas aos resultados, da Administración canadense.
Finalmente, Anabella Barroso, Rafael Fresneda e Alfonso Sánchez expoñen
as experiencias do Arquivo Histórico Diocesano de Biscaia, o proxecto
CARMESÍ da Rexión de Murcia e o Portal PARES, respectivamente, como
exemplos de políticas de dixitalización, acceso e difusión do patrimonio documental
en España.
Por parte do Arquivo de Galicia, cómpre expresar outra vez o noso agradecemento
aos autores e membros do comité científico e manifestar o desexo
de que as súas ensinanzas e experiencias sexan frutíferas para os profesionais
de Galicia e para a comunidade arquivística en xeral.
19