Actas do Seminario Internacional O futuro da memoria - Arquivos de ...

❚ Arquivo/Custodia/Destrución: Ao final do seu ciclo de vida os documentos
electrónicos chegan a un proceso de destrución ordenada (se a
política e normativa aplicable ao mesmo así o establece) ou son enviados
a un arquivo para a súa custodia e explotación histórica.
A maior parte das actuacións que se inclúen no Plan de Modernización da
Xunta de Galicia estarán incompletas ou non chegarán a consolidarse se non
se establece un modelo de referencia que recolla o ciclo de vida do documento
electrónico que levan acompañadas ou que estableza uns mecanismos
de acceso ao documento ou á información dende calquera departamento
da Administración pública que o precise. É necesario garantir a dispoñibilidade,
o acceso e a integridade da documentación electrónica que xera.
Como xa se mencionou anteriormente, este modelo debe abordarse de
forma transversal a toda a Administración pública. Unha organización complexa
como é a Xunta de Galicia con departamentos con competencias en
diferentes ámbitos de negocio, con cambios estruturais dependentes de estratexias
e obxectivo de goberno, posiblemente cambiantes ante cambios
políticos, debe formular un modelo de soporte nos seus sistemas de información
de relación co cidadán que sexa dalgún modo transparente a eses
cambios.
Isto non supón a constitución dun único repositorio para toda a organización,
senón o establecemento dun modelo común e compartido. O Modelo
de Xestión Documental da Xunta de Galicia, en adiante MXDX, no marco
da eAdministración.
Para o desenvolvemento do modelo de xestión documental MXDX da
Xunta de Galicia tivéronse en conta os seguintes marcos e normativas:
❚ UNE-ISO 15489 (1 e 2). Información y documentación. Gestión de documentos
❚ UNE-ISO 23081-1: 2008 Información y Documentación. Procesos de
gestión de documentos. Metadatos para la gestión de documentos. Parte
1: Principios
❚ UNE-ISO/TS 23081-2: 2008 Información y documentación. Procesos de
gestión de documentos. Metadatos para la gestión de documentos. Parte
2: Elementos de implementación y conceptuales
❚ UNE-ISO/TR 26122: 2008 Análisis de los procesos de trabajo para la gestión
de documentos
❚ ISO 14721: 2003 Reference Model for an Open Archival Information
System (OAIS)
❚ ISO / TR 18492: 2005 Long-term preservation of electronic documentbased
information
317