Actas do Seminario Internacional O futuro da memoria - Arquivos de ...

«a pesar das resolucións e declaracións decididas polo Consello de Ministros Europeo,
a Asemblea Xeral da UNESCO e o NRG [Grupo de Representantes Nacionais],
e a pesar de que espertaron moita consciencia, as consecuencias aínda
non foron integradas nin formuladas en plans de acción, nin se adoptaron
máis alá do nivel dun tema illado. Na medida en que a integración práctica da
conservación nos nosos asuntos cotiáns económicos, sociais, culturais e de política
non se logrou, será difícil formulala e facela politicamente atractiva e interesante
para efectos de financiamento» (Hofman; Lunghi, 2004)
O que estivo de maneira intrigante ausente das discusión cos entrevistados
dos estudos de caso de ERPANET foi o enfoque sobre a tecnoloxía, e isto
a pesar de que o persoal de TIC foi entrevistado.
Comunicación acerca de conservación dixital
Unha cuestión que estaba clara para nós era que a consciencia xeral sobre a
conservación dixital segue a ser baixa. Tamén sucede que estamos a usar mecanismos
erróneos para facer xurdir esa consciencia. Temos que saber cales
son. DigitalPreservationEurope experimentou con varios.
Todo o modo no que estamos a divulgar a mensaxe acerca da importancia
da conservación dixital está a cambiar. Agora nos enfocamos sobre o uso
da Optimización dos Motores de Busca (SEO) e as técnicas de marketing dos
motores de busca para divulgar a mensaxe da conservación dixital entre as
nosas comunidades de práctica. Pero utilizaremos ferramentas de redes sociais
como Slideshare, Delicious, Facebook, Flickr, YouTube. En tanto comunidade,
realmente non explotamos Wikipedia de maneira tan eficaz como
deberiamos nin en inglés nin noutras linguas.
En DigitalPreservationEurope comezamos a traballar na produción de animacións
para divulgar a mensaxe acerca da conservación dixital. Non son
moito máis caras de producir que os materiais tradicionais de marketing, pero
teñen un impacto moito máis inmediato e sostible. Na Figura 2 pódese ver
un pantallazo da primeira destas animacións, que proporciona unha introdución
xeral aos retos clave da conservación dixital, de modo que faga o tema
accesible a unha audiencia ampla.
DPE produciu e publicou cinco animacións curtas que presentan e explican
os problemas e solucións da conservación dixital a unha audiencia xeral.
Adoptamos o modelo evocador dos debuxos animados dos anos sesenta, como
«Roger Ramjet». Este estilo non só nos permitiu representar situacións e
escenarios de maneira clara sen abarrotar a pantalla, senón que tamén soporta
a difusión da nosa mensaxe educativa. Os meus colegas e máis eu che-
179