Actas do Seminario Internacional O futuro da memoria - Arquivos de ...

lemas da vinculación entre os datos e os metadatos e axuda a garantir que
estes e o obxecto se actualicen xuntos. Pero non sempre é posible integrar
os metadatos nalgúns tipos de obxectos. E ademais o almacenamento dos
metadatos por separado pode simplificar a súa xestión e facilitar a busca e a
recuperación. Polo tanto o máis común é que se almacenen nunha base de
datos e se vinculen ao obxecto descrito.
Elementos esenciais ou significant properties
A orixinalidade é un concepto difícil na xestión dos documentos electrónicos
(Yeo, 2010), en cambio pode ser máis factible falar da autenticidade (Harvey,
2005; Duranti, 1999). Elementos relacionados coa autenticidade como son a
integridade, a identidade, ou os elementos esenciais ou significant properties,
que se se conseguen protexer nos documentos, garantirán a súa preservación
en procesos de migración ou conversión. E por tanto serán garantía
de evidencia.
O proxecto InSPECT (Investigating the Significant Properties of Electronic
Content Over Time) (InSPECT, 2006) investigou estes elementos ou características
esenciais que dan ao obxecto dixital que vais ser conservado. Foi fundado
polo Joint Information Systems Committee (JISC) entre o mes de marzo
de 2007 e marzo de 2009 dentro do seu programa de Repositorios e
Conservación (Repositories and Preservation Programme), inicialmente baixo
a dirección do Servizo de Datos de Artes e Humanidades e dispois polo
Centro para a Investigación Electrónica (CeRch) do King’s College London e
con soporte dos Arquivos Nacionais inglés (TNA). Este proxecto formulouse
como obxectivo que o documento/obxecto dixital debe ser conservado todo
o tempo, accesible e con significado. As propiedades do obxecto dixital (significant
properties, SP) definidas neste proxecto como “as características
que os obxectos dixitais deben conservar no tempo en orde a asegurar a
continuidade da accesibilidade, usabilidade e o significado dos obxectos, e
a súa capacidade de ser aceptados como evidencia do que se pretende documentar”,
amósanse segundo a categoría contido, contexto (metadatos),
apariencia (cor, forma), funcionamento (interacción, funcionalidade) e estrutura
(paxinación, seccións). Débese decidir cal destes aspectos de cada categoría
deben conservarse ao longo do tempo para unha correcta planificación,
en orde a establecer boas prácticas para a conservación dos obxectos
dixitais.
O proxecto centrouse en amosar que na conservación dixital, os enfoques
centrados en datos, é dicir, preocupados por manter o obxecto de datos utilizable
no tempo, ofrecen mellores perspectivas de éxito que aqueles que es-
261