Actas do Seminario Internacional O futuro da memoria - Arquivos de ...

Outra definición describe a migración como un medio para superar a obsolescencia
técnica transferindo recursos dixitais dunha xeración de
hardware/software á seguinte (Beagrie e Jones, 2001).
O propósito da migración tamén se fai notar nesta definición como conservar
o contido intelectual dos obxectos dixitais e reter a capacidade dos
clientes para recuperar, visualizar ou dalgunha outra maneira utilizalos fronte
a unha tecnoloxía constantemente cambiante (Beagrie e Jones, 2001).
A migración aborda os problemas causados pola obsolescencia da tecnoloxías
(hardware e software) e dos formatos de ficheiro, para que o contido intelectual
dos obxectos dixitais migrados se conserve e para que se reteña a
capacidade dos usuarios para recuperalos, visualizalos e utilizalos (Borghoff
et al., 2006, especialmente capítulos 3 e 9).
Como xa se fixo notar a migración considérase comunmente como un
dos métodos primarios de conservación, sendo o outro a emulación. A migración
e a emulación baséanse en diferentes solucións ao problema da obsolescencia.
A migración enfócase sobre o contido ou as propiedades dos
obxectos dixitais, e intenta manter estes ao longo do tempo facéndoos utilizables
en software e hardware novo. A emulación, por outra parte, enfócase
sobre a tecnoloxías, creando emuladores —aplicacións de software que
replican a conduta dun sistema informático sobre un sistema diferente— para
que o segundo sistema informáticos pareza comportarse como o primeiro.
A migración é un proceso que foi ben comprendido. Usualmente se aplica
en resposta aos cambios nos formatos de ficheiro (como no caso de obsolescencia
inminente), ou aos cambios no entorno de almacenamento ou a
plataforma tecnolóxica, e para contrarrestar a obsolescencia do hardware ou
do software.
Existe un certo número de aproximacións diferentes a, e métodos de migración.
Non é o mesmo que o proceso de refresco, que é o simple mantemento
da cadea de bits copiándoa a un soporte novo e usualmente máis duradeiro.
A migración realmente cambia ou transforma un obxecto dixital para
que poida utilizarse con novo hardware ou software. A migración subdivídese
en migración de versión, migración a formatos de ficheiro máis recentes
ou normalizados, e migración baixo demanda. Un exemplo dunha migración
de versión simple atópase con frecuencia dentro dun produto de software,
como novas versións de Microsoft Word que funcionan con versións
anteriores de Word, aínda que o número de versións para as que a compatibilidade
retrospectiva é posible está tipicamente limitado polos fabricantes.
A migración a formatos de ficheiro máis recentes ou normalizados implántase
cando o software ou o hardware deviñeron obsoletos ou cando a obsolescencia
é inminente.
207