Actas do Seminario Internacional O futuro da memoria - Arquivos de ...

360
nientemente sobre como utilizar os instrumentos de descrición e os lectores
de microfilme ou os terminais da sala e incluso orientar a busca.
Afortunadamente, como era de esperar moitos usuarios están a seguir o
mesmo procedemento na consulta ás imaxes, é dicir que previamente consultan
o catálogo en liña para comprobar, por exemplo, que libros sacramentais,
de que parroquias e datas, están depositados no arquivo, para despois proceder,
se está extractado o seu contido, a buscalos máis concretamente no formulario
de «Consulta de rexistros sacramentais». A diferenza é que, tras unha
sinxela formación en estratexias de busca, eles poden acceder directamente
ás imaxes sen ter que recorrer ao persoal de sala, excepto se queren solicitar
a reprografía no momento mediante o formulario tradicional. A verdade é
que, como sinalamos, están a aumentar as solicitudes que chegan dende a
extranet e a baixar as que chegan na propia sala para atención inmediata.
Realizamos unha series serie de enquisas e en xeral, o servizo foi valorado
satisfactoriamente, pero as suxestións e achegas recibidas permitíronnos
proceder á corrección e mellora do sistema. Finalmente, dado o volume de
imaxes actuais e as previsibles, optamos por converter todas as imaxes a formato
djvu, cun visualizador axeitado para iso. Deseñamos tamén a normativa
de acceso e consulta para os usuarios deste servizo dixital. Aínda que nesta
fase non está previsto aínda o acceso de todas as imaxes de rexistros sacramentais
a través da internet, non descartamos nun futuro próximo permitir
a visualización on-line dos fondos dixitalizados e, de feito, tecnicamente
o sistema xa o preveu. Aos usuarios facilitámoslles un cadro para que, no caso
de detectar erros, nolo indiquen, para proceder a corrixir os posibles erros
de concordancia de signaturas con imaxes ou cos datos indexados. Hai que
destacar a excelente colaboración do noso público que detecta —e desculpa—
posibles erros e contribúe a que sexan corrixidos. É un primeiro paso
cara a interactuación entre usuarios e profesionais e tamén entre a propia comunidade
de usuarios, porque na base de datos tamén puxemos un botón
para «engadir comentario» que permite dar pistas a outros futuros usuarios.
Os datos que posuímos despois deste anos de funcionamento confirman
as nosas previsións sobre o tipo de usuarios. A páxina estaba deseñada en
función dun público especialista, historiador e/o profesionais de arquivos, e
un amplo abano de usuarios. En canto aos temas de investigación, a estrela
principal segue a ser a xenealoxía e a historia familiar. Máis do 80% dos nosos
usuarios achéganse virtual ou presencialmente ao arquivo para buscar
datos sobre os seus antepasados para facer estudos xenealóxicos, pero tamén
para a realización de diversos trámites civís5 e eclesiásticos. Apreciamos
un constante e significativo aumento das consultas para investigación histórica.
A maior profundidade nas descricións dos fondos e unidades documen-