Actas do Seminario Internacional O futuro da memoria - Arquivos de ...

390
Entre 2007 e 2010 desenvolveuse e mellorouse a plataforma de difusión,
ao mesmo tempo que se crearon ferramentas de xestión arquivística internas.
Tamén se foi ampliando a súa capacidade e rendemento, cousa nada
baladí dende o momento en que a finais de 2010 PARES xestiona e difunde
uns 23,4 millóns de imaxes dixitalizadas vinculadas a uns 5 millóns de rexistros
descritivos. Masa de información que está en continuo proceso de creación,
revisión e difusión. Non obstante, é necesario avaliar os logros e as carencias
perceptibles co fin de mellorar o uso eficiente da plataforma (Gª González
et al., 2010).
Respecto á comparativa do acceso virtual fronte ao presencial aos arquivos,
PARES como calquera plataforma de difusión integrada na Internet proporcionou
unha gran visibilidade aos Arquivos xestionados polo Ministerio
de Cultura. Fronte aos 6.592 usuarios presenciais á toda a rede de centros,
os equivalentes en PARES durante 2010 chegaron á cifra de 376.084; mentres
que fronte ás 33.922 sesións de traballo presenciais, as realizadas na plataforma
supuxeron 694.890 sesións. No entanto, a diminución das visitas
presenciais non supuxo outra na consulta de documentos orixinais nos arquivos,
cuxa cifra se mantivo nunha importante cifra. Iso permite deducir o uso
máis intensivo dos arquivos a pesar de que os usuarios e o tempo libre para
a investigación diminuiron na última década. A informatización dos arquivos
con plataformas do tipo PARES leva a valorar con especial interese parte dos
traballos “obscuros” dentro da organización arquivística, como é o da descrición
documental e o control dos fondos. Pero de maneira significativa albíscase
a importancia estratéxica da especialización nas referencias virtuais e
a comunicación cos usuarios e investigadores.
Transformación de PARES nun sistema de arquivos abertos
No Report on archives (Report, 2005, cap. 2d., 81-107) formulábase a preparación
dun Portal na Internet de arquivos e documentos en conxunción que a
partir do 2007 se denominou APENet [www.apenet.eu], ao que fixemos referencia
na introdución. O Portal estará hospedado na infraestrutura de un dos
arquivos estatais ou nacionais dun país membro da UE, en colaboración co
resto dos servizos arquivísticos dos outros estados membros e institucións europeas.
Isto significa que os arquivos a escala europea terán a súa propia visibilidade
social unificada, independentemente de que o portal europeo será o
provedor de contidos culturais arquivísticos a EUROPEANA [www.europeana.org],
o mega portal cultural. Co tempo, o portal de arquivos irá integrando
todas as iniciativas arquivísticas locais, privadas ou rexionais que nestes
momentos estean contribuíndo a diferentes recolledores, caso de España respecto
a HISPANA [http://hispana.mcu.es], que é o directorio e recolledor de