Actas do Seminario Internacional O futuro da memoria - Arquivos de ...

164
camente sobre a implantación de servizos de Inxesta conformes con OAIS a
nivel de ítem como medio para resolver o problema de vincular os metadatos
contextuais aos documentos, como estamos a propoñer aquí. Unha revisión
da literatura non revela que ningún arquivo estea realmente empregando
SOA e un servizo web de arquivo para depositar o documento de transaccións
no arquivo no momento no que suceden. O moi innovador proxecto
PEKIN de King’s College, Universidade de Londres, que na opinión do autor
achegouse moito planea proporcionar algunha forma de integración entre
o sistema arquivístico Alfresco e Sharepoint. (Knight, 2010).
Nós si que vemos que se están a despregar con éxito exemplos de SOA,
aínda que con modelos de inxesta de transferencia masiva. A U.S. National
Archives Electronic Records Archive Architecture (RAA), que emprega un
marco de Arquitectura Orientada a Servizos, utiliza SOA para xestionar inxestas
masivas, iniciadas pola axencia (o que NARA chama «transferencias periódicas
dende sistemas»). Pero o modo en que RAA implantou SOA é subóptimo
(Nguyen and Harvey 2009), unha vez máis en gran medida porque o
modelo é o das transferencias masivas iniciadas pola axencia. A asunción de
que os documentos residen coas axencias e están suxeitos a transferencia física
está tan fondamente interiorizada polas prácticas de NARA, que a arquitectura
resultante, aínda que coherente cunha API aberta, a causa dunha política
dirixida pola aplicación de xeración, realmente non se acomoda cun depósito
a nivel de ítem.
A inxesta arquivística conforme con OAIS que utiliza SOA, non se limita a
NARA; é proporcionada como un Servizo web por outros diversos depósitos
«arquivísticos». Como NARA, no entanto, cada un deles asume actualmente
que a inxesta ten lugar como consecuencia da decisión humana de ingresar
obxectos electrónicos nun arquivo, máis que como o resultado dunha acción
automatizada executada no momento da creación do documento. Nestes casos
non se trata de ser cativos do paradigma da transferencia masiva iniciada
pola axencia, senón máis ben de deseñar servizos de «arquivo» que sirvan como
depósitos para artigos de xornal e informes técnicos, p.ex., son depósitos
orientados como biblioteca máis que depósitos de xestión de documentos.
Por exemplo, a Inxesta OAIS con SOA reflíctese no e-Framework for Research
and Education (www.e-framework.org) e, particularmente, no proposto,
peor aínda non adoptado, Modelo de Uso de Servizo «Ingest Digital Resource
for Preservation» (Hedges, 2010). O marco proposto utiliza explicitamente
OAIS para nomear os seus compoñentes: o evento inxesta transforma
un SIP (Paquete de Envío de Información) OAIS nun AIP (Paquete de Información
Arquivística) engadíndolle os metadatos requiridos (descritos por
PREMIS) e realízano outras transformacións para reducir as dependencias.