Actas do Seminario Internacional O futuro da memoria - Arquivos de ...

tais depositados no AHEB-BEHA e a difusión do catálogo na web deu a coñecer
a riqueza documental a un público aínda minoritario máis interesado
en diversos aspectos de investigación histórica. O noso reto é que estes usuarios,
maioritariamente xenealoxistas, coñezan outros fondos e documentos
do propio Arquivo cos que, sen dúbida, poderían completar a súa historia familiar
e local, ademais de iniciar proxectos con arquivos —especialmente os
de protocolos notariais —cuxa documentación complementa a información
que conserva a nosa documentación.
A pesar da normalización da descrición e a pesar da maior ou menor profundidade
das descricións ou dos sistemas descritivos, o certo é que as consultas
por texto libre para recuperar a información seguen a ser maioritarias.
Parece ser que os usuarios, polo menos os do noso arquivo, desexan formularios
intuitivos, sinxelos e rapidez na recuperación da información (para isto
é válido o botón de mostra da consulta de rexistros sacramentais). A maioría
dos usuarios non desexa facer unha ardua investigación cada vez que necesita
información do arquivo, senón que desexa obter resultados rápidos e se
o sistema non llo proporciona directamente, pídeo por mail, por teléfono ou
polos formularios normalizados que poñemos á súa disposición. Todo isto levou
a formular no arquivo a oferta de servizos con valor engadido, segundo
as tarifas vixentes, que se concretaron na creación do SIA (Servizo de Información
do Arquivo) para atender as cada vez máis numerosas demandas de
información e consultas e tamén na posta en marcha do Servizo de Reprodución
Documental (SRD) para atender as peticións de reprografía, maioritariamente
en soporte dixital, optando en breve pola sinatura dixital.
Para iso, unha vez finalizado o proxecto de indexación dos rexistros sacramentais,
comezamos unha nova fase no arquivo, na que atenderemos novamente
á normalización e a descrición, especialmente dos fondos parroquiais.
Non deberemos esquecer que o sistema de descrición arquivística polo que
optemos deberá ter en conta a experiencia anterior na descrición do arquivo
e todo o esforzo normalizado e haberá que afonda na reflexión, pero tamén
haberá que pensar nos usuarios aos que xa servimos información e tamén
aos que potencialmente deberemos atraer mediante uns formatos de
saída e de recuperación de información axeitados.
Icaro: un paso máis na recuperación e difusión da memoria dixital
A aposta pola creación do Centro Icaro. Centro de Coñecemento Avanzado
da Historia, cunha subvención do Plan Avanza Contidos na súa convocatoria
de 2008, supón un paso máis na aposta pola difusión interactiva dos fondos
do Arquivo. A palabra ICARO fai referencia a Investigación, Coñecemento,
361