Actas do Seminario Internacional O futuro da memoria - Arquivos de ...

194
«unha versión electrónica distribuída por funcionarios da ONU o xoves á noite
permitiu os receptores procurar a edición dos cambios» (Bone; Blanford,
2005). O feito de que a información oculta nos documentos dixitais con frecuencia
proporciona unha ventá aberta ás intencións e ideas orixinais, e pode
facer posible que os usuarios posteriores procuren o modo en que os argumentos
e as ideas se desenvolveron fará que a capacidade para afondar
nestas pegadas dixitais sexa tan crucial para os académicos do futuro como
a edición, e as notas interlineais e marxinais dos autores (ou incluso dos
usuarios) o son para aqueles que traballan con documentos analóxicos.
Máis ou menos neste momento pode que esperásemos sacar do sombreiro
unha solución aos retos da conservación dixital, pero á vista das tecnoloxías
constantemente cambiantes e das posibilidades de representación o obxectivo
de sacar unha solución do sombreiro parece estar cada vez máis lonxe.
Isto non significa que non haxa nada que poidamos facer no presente.
Moi ao contrario, hai moitas cousas que podemos facer. Así, os procesos de
Conservación Dixital deberían asegurar que enviamos ao futuro evidencia
utilizable, auténtica e fiable. Se as aproximacións actuais son inadecuadas,
que podería facerse no intermedio. Quizá hai sete accións que os arquiveiros
e xestores de documentos poderían adoptar para axudar polo menos a estabilizar
os documentos e os recursos dixitais ao seu coidado:
❚ Manterse ao día dos desenvolvementos en conservación dixital e manterse
en por si educado en novas aproximación e en novos riscos identificados.
❚ Actuar como un defensor activo das actividades de conservación dixital
divulgar a mensaxe. E tratar de utilizar aproximacións aos medios de comunicación
social, e tamén a medios populares como as novelas gráficas
e as animacións.
❚ Asegurar que a súa organización ten políticas e procedementos eficaces
que regulan a creación, a xestión (tanto a retención como a valoración e
a selección), e a conservación de materiais dixitais;
❚ Permanecer atento ao mantemento dos materiais dixitais baixo o seu
coidado (p. ej., facer notar cando é o momento de refrescar os soportes,
procurar os formatos nos que os seu fondos están representados para estar
certo de que se migran antes de que os «medios de migración» para
este formato desaparezan);
❚ Evitar as normas propietarias para a representación, a codificación, o
software, o hardwre, e especialmente os servizos de copia de seguridade;
❚ Non asumir que existe unha solución única para todos os retos da conservación,
ou que se se adopta unha aproximación para un conxunto de