Actas do Seminario Internacional O futuro da memoria - Arquivos de ...

96
Antecedentes normativos da Administración electrónica
O documento electrónico antes da LAE | En todo documento probatorio
é preciso diferenciar a materialidade do soporte, ao que se incorpora unha
manifestación de vontade ou a expresión dun feito, e o seu contido. De forma
histórica e inevitablemente lóxica, o concepto de documento que viñeron
a recoller as nosas leis identificábase, máis que co documento per se, co
papel e a escritura gráfica. No entanto, a aceptación lexislativa dos medios
electrónicos abriuse paso dende fai xa longo tempo (considerando que a
evolución dos acontecementos relativiza notablemente o senso do adxectivo
longo).
Unha das pioneiras, aínda que cunha finalidade moi específica, acaba de
cumprir silenciosamente un cuarto de século: a Lei 16/1985, de 25 de xuño,
do patrimonio histórico español, art. 49.1, que contempla os soportes informáticos
na súa definición de documento, a cal foi, con maiores ou menores
variacións, acollida por outras normas posteriores.
É, no entanto, nos ámbitos tributario ou mercantil e, en xeral, nos de contido
fundamentalmente económico-financieiro, onde dende moi cedo e ate
hoxe, o documento electrónico foi tomando carta de natureza10 , aínda que
non de forma exclusiva, nin moito menos. Noutros sectores tamén atopamos
antecedentes significativos. Así, ademais da mencionada Lei orgánica do poder
xudicial, a Lei 10/1995 de 23 de novembro, do código penal dispón no
seu artigo 26: Para os efectos deste código considérase documento todo soporte
material que exprese ou incorpore datos, feitos ou narracións con eficacia
probatoria ou calquera outro tipo de relevancia xurídica.
Esta última cuestión é fundamental para comprender a necesidade de toda
a armazón normativa referida á Administración electrónica en xeral e ao
documento electrónico en particular. A admisibilidade do documento electrónico
como medio de proba, en paralelo ao desenvolvemento normativo,
tamén foi construíndose dende a xurisprudencia, tendo en conta o principio
recollido no artigo 3 do Código civil11 , ate declarar a admisibilidade do documento
electrónico, e a equiparación do mesmo, a todos os efectos, ao documento
tradicional. A realidade social á que alí se alude viña demandando
a recepción do documento electrónico para efectos probatorios fronte á inicial
—e lóxica, se se atende ao state of the art da tecnoloxía— resistencia dos
tribunais12 . A STS de 5 de febreiro de 1988, xa sinalaba que
...As relacións de medios probatorios das leis de procedemento non teñen o carácter
de exhaustivas, en canto configuran unha ordenación acorde co momento
en que se promulgan. As innovacións tecnolóxicas —o cine, o vídeo, a cinta
magnetofónica, os ordenadores electrónicos, etc.— poden e deben incorporar-