Actas do Seminario Internacional O futuro da memoria - Arquivos de ...

A macrovaloración no século vinteún:
cara un novo marco documental
para a memoria pública
A sociedade, no noso século vinteún, volveuse completamente consciente da
utilidade social, económica e para a memoria da información, e o procesamento
de recursos de información a alfabetización en medios de comunicación
volvéronse fundamentais para a aprendizaxe, o coñecemento e o progreso
contemporáneos. Colectivamente, en tanto individuos, grupos e organizacións,
na actualidade creamos, proporcionamos, inxerimos e almacenamos
información en proporcións e niveis anteriormente inimaxinables, e somos
voraces produtores e consumidores de recursos de información. En medio
de toda esta produción e consunción, están a comezar a xurdir dúas
cuestións moi básicas en relación coa actual e continuada ‘relevancia’ das
institucións —arquivos, bibliotecas, museos et al.— tradicionalmente asociadas
coa identificación, xestión e conservación de recursos de información,
para representar e permitir a memoria pública ao longo do tempo. Primeiro,
cal é a relevancia destas institucións nunha sociedade tan cargada de información
e de información tan intensiva? E, segundo, como se establecerá e
manterá esta relevancia?
Neste ensaio, gustaríame explorar algúns aspectos destas cuestións, con
referencia a unha experiencia familiar para todos os arquiveiros: o momento
sen rupturas no tempo e no espazo, dentro do proceso de lembranza, no
que as comunidades se volven conscientes de, e enfróntanse a, a inestabilidade,
a fraxilidade e a natureza efémera da memoria pública. É entón cando
a sociedade debe tomar decisións acerca da comunicación, a captura, o
tratamento e a xestión dos seus recursos de información en relación coas
percepcións ou reflexións acerca do seu propósito, o seu valor, a súa utilidade,
o seu impacto ou o seu ligado continuados. É entonces cando as ‘colectividades’
deben finalmente, de xeito moi deliberado e consciente, investir en
e garantir a conservación de información, inicialmente como activo social ou
Richard Brown
Director General, Strategic Research
Library and Archives Canada
219