Actas do Seminario Internacional O futuro da memoria - Arquivos de ...

Figura 6: Criterios
centrais dun depósito
dixital
186
un modelo de referencia, necesitan un libro de receitas. En DPE desenvolvemos
PLATTER (Planning Tool for Trusted Electronic Repositories) para proporcionar
unha guía aos planificadores de depósitos que tratan de lograr o estatus
de fiables. PLATTER funciona sen problemas con ferramentas de auditoría
e certificación como DRAMBORA e as listas de verificación TRAC e nestor.
A ferramenta fará posible que os planificadores de depósitos desenvolvan
fins e obxectivos para o seu depósito coherentes con normas internacionalmente
aceptadas relativas ao deseño e a xestión de depósitos.
Se a súa organización desexa constituírse como depósito fiable, os seguintes
nove pasos deberían constituír o fundamento dunha infraestrutura
sostible de depósito:
❚ Defina os obxectivos e fins do seu depósito, e a partir deles especifique
os servizos que proporcionará. Os obxectivos e servizos deberían quedar
documentados;
❚ Determine se a súa organización está ben situada para desenvolver un
depósito en por si ou se debería establecer un depósito compartido ou
comprar o uso de servizos de depósito;
❚ Desenvolva políticas e procedementos para xestionar todos os procesos:
inxeta, xestión de datos, almacenamento arquivístico, administración, planificación
da conservación e acceso;
❚ Poña en vigor mecanismos para supervisar a aplicación destas políticas
e en que medidas son eficaces;
❚ Defina os roles e as responsabilidades da alta xestión en relación cos depósitos;
❚ Asegúrese de que todos os servizos, as tecnoloxías (hardware e software),
as excepcións e as prácticas quedan documentadas;
❚ Desenvolva e manteña rexistros de riscos, que identifiquen claramente
os riscos, indiquen a súa probabilidade, especifiquen o seu impacto probable,
describan como abordaría o risco se tivese lugar, e fagan notar que
está a facer para evitar que xurdan;
❚ Manteña informes de estado e actas das reunións;
❚ Defina, implante, supervise e verifique servizos
de recuperación de desastres.
O cambio será unha característica de todos os
depósitos. As tecnoloxías subxacentes de almacenamento
serán substituídas de maneira regular,
pecharanse servizos e iniciaranse outros novos, e