Actas do Seminario Internacional O futuro da memoria - Arquivos de ...

As consecuencias de entrar na rede de redes ou o que ás veces denominamos
«un salto sen rede» non se fixeron esperar. A páxina web multiplicou
as posibilidades de difusión dos fondos e actividades do AHEB-BEHA, ampliando
o radio xeográfico e lingüístico (euskera, castelán e inglés) dos seus
usuarios. Isto traduciuse nun incremento exponencial do número de consultas
ao arquivo e de peticións de solicitude de reprografía, que non só non
deixou de aumentar dende a súa posta en marcha na web, senón que en
ocasións chegou desbordar os servizos de atención ao público. O noso obxectivo
actual é que a xestión interna deses servizos se axuste, na medida do
posible, á rapidez coa que os nosos usuarios poden acceder á información
exposta e aos servizos que ofrecemos.
Grazas á web cúmprese o tópico de que o arquivo está accesible 365 días
ao ano, 7 días á semana durante 24 horas. As estatísticas de uso da páxina
web dende o ano 2004 permítennos constatar que as consultas da páxina
aumentan considerablemente a partir de maio de 2004 en que se poñen
en marcha os servizos on line e a posibilidade de consulta de rexistros sacramentais
e catálogos on line. A partir daí o número de visitas vai medrando
de forma progresiva ano tras ano. O apartado de servizos e consultas on-line
é con moitos o máis consultado da páxina web, pero tamén aumentou
significativamente o correspondente a fondos e a instrumentos de descrición,
así como as actividades do Servizo Diocesano de Arquivos. Mantéñense
durante todo este tempo as medias de consulta (máis de 3.000 visitantes
cada mes), chegando a máis de 5000 en datas nas que coincide con aparicións
e reportaxes do Arquivo en diversos medios de comunicación. Case un
70% accede xa coa dirección www.aheb-beha.org e o resto o fai dende buscadores
tipo google ou dende páxinas doutras dioceses, do propio Bispado
de Bilbao ou dende Irargi (centro patrimonio documental do Goberno Vasco).
Aproximadamente un 17% dos usuarios virtuais consultan a páxina entre
15 e 60 minutos e un 2% máis de unha hora. Mensualmente entre un
55% e un 70% de usuarios engádea aos seus favoritos. Analizando aqueles
casos en que podemos saber os países de procedencia dos usuarios da web,
constatamos a variedade, destacando en númeor os procedentes de América
Latina —cada vez máis nos últimos anos— e Estados Unidos, seguidos de
países europeos como Francia, Italia e Holanda e a un pouco máis de distancia
Xapón e Canadá.
O SIGA-AKIS e a posibilidade de solicitar reprografía on line funciona
dende maio de 2004. Analizando as estatísticas de solicitudes de reprografía
isto levou aparellado un aumento de máis do 40% das solicitudes en xeral,
pero a repercusión máis directa é a redistribución da procedencia das solicitudes,
gañando por goleada as solicitudes on line. Dende febreiro de 2010
357