Actas do Seminario Internacional O futuro da memoria - Arquivos de ...

366
Figura 2: Materiais
didácticos
logo volva traballarse na aula e os resultados revertan novamente ao Arquivo,
mediante blogs, etc. e que opinións e traballos poidan incluírse no Panel da
Memoria que estará no propio Centro de Interpretación e que xa está operativo
na páxina web do Centro Icaro. Interésanos especialmente este último aspecto
de interactuación co alumnado e que incluso poidan, sobre todo, nos
grupos de maior idade converterse en axentes xeradores de memoria.
A visita ao Arquivo contempla o acceso á sala de investigación, a un depósito,
á sala onde está o Servizo de Reprodución Documental (para ver como
se dixitaliza dende o orixinal e dende o microfilme diversos documentos
en distintos soportes) e ao Centro de Interpretación, cuxos principais obxectivos
son dar coñecer as funcións do Arquivo e as amplas perspectivas de investigación
sobre a historia de Bizkaia que ofrecen os documentos depositados
no Arquivo. Segundo a idade dos visitantes, poderán, ademais, ver orixinais
e realizar unha pequena investigación in situ. Interésanos explicar por
que na cultura actual en que todo vale apenas tres minutos, o noso traballo
consiste en conservar documentos antigos que reflictan a memoria da sociedade
e ademais queremos sensibilizar sobre a importancia dos documentos
actuais —maioritariamente electrónicos— como memoria do futuro.
Ademais, contemplamos a posibilidade de montar un Aula de Arquivo,
baseada na experiencia do AHEB-BEHA e con metodoloxía e obxectivos didácticos
concretos destinados a estudantes de arquivística e profesionais dos
arquivos que desexen intercambiar experiencias. A Aula de Arquivo ofrecerá
ademais unha liña de difusión moi importante aos usuarios potenciais, organizando
seminarios de formación de usuarios en relación a contidos concretos
dos fondos do arquivo, metodoloxías para facer accesibles eses fondos e
aos proxectos realizados nel.