Actas do Seminario Internacional O futuro da memoria - Arquivos de ...

Dixitalizar para preservar e difundir.
O proxecto CARMESÍ da Rexión de Murcia
Introdución. O proxecto CARMESÍ. Os seus obxectivos
En Europa reside unha porción moi importante da historia da civilización.
Dende a antigüidade, os países europeos construíron e desenvolveron as súas
estruturas políticas, económicas ou sociais e avanzaron incluso a partir dos
seus propios conflitos. Tanto os grandes acontecementos históricos coma os
feitos sen relevancia aparente teñen o seu fiel reflexo nos documentos, que
dan proba fidedigna deles e constitúen a fonte primaria de información para
coñecer os avatares cos que se forxou a historia de cada país, cuxas causas
e consecuencias son, naturalmente, susceptibles de interpretación.
A posta en valor deste importante patrimonio histórico é unha responsabilidade
dos diferentes gobernos, que deben promover políticas que faciliten a
difusión e o acceso dos cidadáns á información, e, ao mesmo tempo, unha
necesidade para os que investigan e escriben sobre a historia individual e común
dos pobos europeos. E os arquivos, custodios de tales documentos, foron
correa de transmisión entre as organizacións que os produciron e os cidadáns
que os consultaron con fins de estudo ou información.
No entanto, conservar os documentos para garantir a súa dispoñibilidade
no tempo ou fomentar a súa difusión para o coñecemento e a ampliación da
oferta cultural, foi unha dicotomía que, dende sempre, tivo difícil solución.
A preservación e a difusión, tradicionalmente confrontadas, estiveron presentes
no diario quefacer dos arquiveiros; a preservación a través da permanente
imposición de medidas que posibilitasen a mellor protección do patrimonio
documental custodiado; a difusión mediante a montaxe de exposicións
e outros recursos, xeralmente didácticos, que permitisen amosar as
fontes de información máis atractivas pola súa importancia histórica ou pola
súa beleza e estética. Hoxe a sociedade do coñecemento na que nos atopamos
obriga a promover a accesibilidade dos documentos na maior medi-
Rafael Fresneda Collado
Archivo General de la Región de Murcia
371