Actas do Seminario Internacional O futuro da memoria - Arquivos de ...

Así mesmo inclúense as directrices a seguir polos distintos procedementos
administrativos que requiran a autenticación dos distintos actores,
así como a inclusión de sinatura dixital.
❚ Directrices de interoperabilidade. Establece as directrices que rexerán
o marco de desenvolvemento da interoperabilidade na Xunta de Galicia.
Mediante o establecemento das ditas directrices se disporá dunha guía
para o desenvolvemento da interoperabilidade nos sistemas e servizos de
administración electrónica da Xunta de Galicia. Os elementos a ter en
conta son:
¬ As dimensións organizativa, semántica e técnica ás que se refire o
art. 41 da Lei 11/2007.
¬ Os estándares que a Lei 11/2007 pon ao servizo da interoperabilidade
así como da independencia na elección das alternativas tecnolóxicas
e do dereito dos cidadáns a elixir as aplicacións ou sistemas para
relacionarse coas administracións públicas.
¬ As bases que sentan o Esquema Nacional de Interoperabilidade e o
Esquema Nacional de Seguridade.
¬ As infraestruturas e os servizos comúns, elementos recoñecidos de
dinamización, simplificación e propagación da interoperabilidade, á
vez que facilitadores da relación multilateral.
¬ A reutilización da documentación asociada e doutros obxectos de información.
¬ A interoperabilidade da sinatura electrónica e dos certificados.
¬ A conservación como manifestación da interoperabilidade ao longo
do tempo, e de cómo afecta de forma particular ao documento electrónico.
❚ Directrices de arquivo e xestión documental. O obxecto deste documento
é desenvolver un Modelo de Xestión Documental (en adiante
MXDX) de aplicación e utilización na Xunta de Galicia para a actuación
administrativa. Un modelo estandarizado como o proposto contribúe a un
aforro de custos e eficiencia administrativa ao homoxeneizar o tratamento
dos documentos.
O Plan de Modernización da Xunta de Galicia-O MXDX
Os documentos (tanto electrónicos como físicos) conteñen información que
constitúe un recurso valioso e un activo importante da Organización. O con-
315