Actas do Seminario Internacional O futuro da memoria - Arquivos de ...

«futuro» así como o «pasado». O e-goberno proporciona unha oportunidade
para integrar a xestión dos documentos ao longo do tempo e o espazo,
tal e como defende a aproximación do continuo dos documentos. A provisión
de acceso sen fendas foi prefigurada en Australia en 1995, nun ensaio
de David Roberts, Documenting the Future, no que describía o futuro acceso
en rede aos documentos mesmos: login de usuarios como «usuarios invitados»
con dereitos e restricións de acceso, datos asegurados con «curta-lumes»
para separalos de partes accesibles publicamente, e uso por parte dos
solicitantes das ferramentas de recuperación do sistema de xestión de documentos
da axencia coas necesarias salvagardas de seguridade, reducindo por
tanto tempo e custes para a axencia (Roberts, 1995: 241). Esta visión aínda
ten que ser levada á práctica polos gobernos.
Documentos fiables e auténticos:
novos conceptos de validación en redes distribuídas
Moitos países redefiniron o goberno en termos das súas relacións comerciais,
o que alterou a relación entre o cidadán e o estado, e nalgúns casos separou
esta relación da esfera pública. A «privatización» do dereito público é un
cambio importante que altera unha antiga relación entre o cidadán e o goberno
e o rol da xestión de documentos nesa relación. Por exemplo, as axencias
do goberno que foron privatizadas limitaron as obrigas públicas e as relacións
contractuais entre o goberno e os provedores de servizo separan ademais
ao cidadán do acceso directo ás axencias do goberno e aos seus documentos.
O estado deveu altamente invasor con sistemas que cruzan xurisdicións
e comparten datos con provedores privados (Willingham, 2010). Os
grandes proxectos de sanidade en rede que son transversais aos sectores privado
e público e ás fronteiras xurisdicionais probaron en que medida son ilusorias
realmente a propiedade, a custodia e a responsabilidade tanto do sistema
como dos seus compoñentes (Iacovino e Reed, 2008). Noutros casos,
utilizáronse as ameazas terroristas globais para restrinxir a información e reunir
máis datos persoais sobre os cidadáns.
O «pequeno» goberno nas modernas economías de mercado trata de reducir
custes para os seus cidadáns e de adoptar modelos e tecnoloxías de negocio
que inclúen complexas xerarquías de responsabilidades legais entre o
goberno, o cidadán e terceiros provedores. Estar seguro de que entidade é
responsable incluso de servizos básicos como a electricidade pode resultar difícil.
As novas tecnoloxías adoptadas polos gobernos, as empresas e os individuos
rara vez teñen en contar as implicacións para a xestión de documentos.
Por exemplo, os gobernos, as empresas, as universidades e os individuos
43