Actas do Seminario Internacional O futuro da memoria - Arquivos de ...

en forma impresa. Por outra parte, o público ten que se protexer dun médico
que é incompetente ou observa unha conduta que podería poñer en risco
a un paciente (Freckelton, 2010: 36).
Nalgúns países, as táboas de protección de datos foron completadas con
protocolos para compartir os datos. Un protocolo para compartir os datos é
un acordo formal entre organizacións que están a compartir datos persoais.
Explica por que os datos están a ser compartidos e establece os principios e
os compromisos que as organizacións ou individuos adoptarán cando recollan,
almacenen e divulguen información persoal acerca dos membros do público.
Outras ferramentas reguladoras da privacidade inclúen códigos e recomendacións
que complementan os réximes lexislativos, por exemplo os principios
de privacidade da información da industria da Internet. Un modelo de
gobernanza participativa podería adoptar protocolos para compartir os datos
que establezan requisitos de privacidade para cada participante no documento.
Conclusión
Internet converteuse nunha arma renovada de democracia. Os gobernos de
todo o mundo están a adoptar ferramentas de redes sociais para comprometerse
cos seus cidadáns. As iniciativas de goberno aberto proporcionan unha
oportunidade non só para reunir réximes de acceso, senón todos os procesos
de xestión de documentos. Aínda que estas iniciativas melloraron a implicación
do cidadán no goberno e colocado máis información en liña, as divulgacións
de denuncias por medio da Web seguen a ser importantes para
revelar a «verdade» e encher os ocos deixados polos fallos nos réximes de liberdade
de información no relativo á provisión de transparencia gobernamental.
Aínda non está claro se as contribucións da Web 2.0 forman parte
do documento e serán conservadas, ou o modo en que se aplicarán regras
de valoración. A axencia do goberno que establece unha utilidade en liña ten
discreción en canto a se reter ou borrar os comentarios, e se fomenta o anonimato.
Os participantes na xestión de documentos teñen o empuxe de conservar
as súas contribucións como parte do documento, e pode que os gobernos
tamén queiran incorporalos como evidencia de transparencia. Non
está claro se o goberno aberto proporcionará mellor acceso a información
acerca de servizos externalizados. O Cloud computing proporciona servizos
externalizados na Internet que requiren que os arquiveiros e os xestores de
documentos se impliquen no contrato de servizos para asegurar que a xurisdición
e a propiedade dos documentos se atribúan axeitadamente. Existe a
necesidade de asegurar que a infraestrutura da nube xestionará sistemas dis-
65