Actas do Seminario Internacional O futuro da memoria - Arquivos de ...

226
cuado facelo? Cales son as expectativas públicas no que se refire a este contexto
permanente de memoria?
Aínda así o concepto de arquivo e a conservación intencional da memoria
rexistrada a longo prazo persisten dende diversas perspectivas sociais, históricas
e arqueolóxicas. Seguen a permanecer intactos e críticos para académicos
que escribiron e están a escribir acerca da sociedade, de teoría social,
de epistemoloxías social e agora de transformación social, incluído o impacto
das novas tecnoloxías da información e das comunicacións e dos medios
sociais sobre a estrutura social, a organización, a acción e a condición humana
en xeral. Abondan as etiquetas para este fenómeno de ‘lembranza social’
no curso dun longo ‘momento documental’, p. ex., memorial cultural, memoria
retrospectiva, memoria histórica, memoria colectiva e incluso memoria
resistente ou perpetua. Ultimamente, en Library and Archives Canada, estivemos
a articular a conservación do que a nosa lexislación nacional chama
“patrimonio documental” como unha manifestación de identificación, selección
e descrición dos “bens cívicos da memoria pública” (Caron, 2010) 10 .
Se se observan os roles e as responsabilidades do arquivo dentro do contexto
da administración pública e do goberno —que é esencialmente o enfoque
deste ensaio— a conservación a longo prazo de ‘memoria estatal’ auténtica,
fiable e recuperable tamén se converteu nun compoñente fundamental
da responsabilidade administrativa do século vinteún, consonte
cunha gobernanza transparente, unha administración corporativa eficaz e un
eficaz subministro de programas e servizos aos cidadáns mediante empresas
de servizos públicos. Durante moito tempo, dende a Alta Idade Media, os
produtos e as funcións administrativas da chancelería e das axencias centrais
foron evolucionando; hoxe en día a produción e a conservación da causa
materiais documental do estado e da súa administración pública de forma
aberta e accesible —especialmente en relación co desenvolvemento de políticas,
a toma de decisións e as relacións interactivas entre os cidadáns e a
maquinaria do goberno— son cada vez máis centrais para a constitución e
o mantemento dun consenso democrático concibido baixo o Estado de dereito.
Neste contexto, estamos a falar do arquivo como unha das localizacións
esenciais do poder do estado e da manifestación de autoridade mediante
a súa posesión e o seu control sobre as formas da evidencia documental.
Como Jacques Derrida fixo notar unha vez con perspicacia acerca desta
íntima relación administrativa non hai poder político sen control do arquivo,
cando non da memoria (Derrida, 1998).
O procesamento de coñecemento e de recursos de información temporal
e transaccional executado dentro do ciberespacio pode que satisfaga, ou pode
que non, os requisitos de memoria dos creadores, consumidores, ‘produ-