Actas do Seminario Internacional O futuro da memoria - Arquivos de ...

mentais que arrodeaban a aplicación e a implantación do manifesto da macrovaloración
LAC mediante o mecanismo das normas de valoración e selección
de documentos eran sintomáticas de algo moito máis fondo. Para implantar
final e completamente a macrovaloración no contexto e da maneira
en que foi teoricamente concibida e proposta, LAC tería que asumir un novo
rol de liderado para resolver a crise de xestión da información do goberno.
O segundo conto: a crise da xestión da información
Non pretendo describir por completo a natureza da crise da xestión da información
dentro do Goberno de Canadá, porque as súas orixes, fontes e contextos
están ben documentados nun certo número de revisións federais, estudos
e análises de situación. É tamén unha historia familiar para moitos gobernos
nacionais e estatais hoxe en día, consistindo en gran medida as únicas
diferenzas entre eles nas circunstancias do dominio local e nas variacións
respecto a diversos temas, dependendo do modo no que un se interese en
analizar e explicar o entorno de recursos de información e a súa infraestrutura
(ou a súa ausencia no caso deste último), e neste caso o noso conto canadense
local da crise da xestión da información é moi pouco notable. Isto
non significa minimizar o impacto da crise en Canadá —foi profundo dentro
dos círculos e o funcionamento da administración pública federal, por exemplo—
pero creo que a historia do modo en que LAC está a desenvolver de
maneira cooperativa modos e medios para axudar a remediar a actual situación
táctica e abordar de maneira estratéxica os retos dixitais emerxentes é
máis interesante que as orixes da problemática. No entanto, no contexto canadense,
hai que facer algunhas observacións clave acerca das circunstancias
contextuais que arrodearon e instigaron a crise.
Primeiro, a crise da xestión da información na administración pública federal
de Canadá non está necesariamente enraizada na ausencia de teoría
de xestión da información, de ferramentas de xestión da información ou de
recursos e infraestrutura en tecnoloxías da información. Temos disto (e tivemos)
abondo, aínda que certo número de elementos requiren seguramente
un axuste e unha redirección críticos, e parte do noso pensamento corporativo
está claramente desactualizado e desaliñado tanto co entorno dixital como
cos actuais requisitos de empresa. Dende o meu punto de vista, a crise
está, e estivo, enraizada nunha combinación de factores que inclúen:
❚ Novas concepcións da empresa e da Administración pública que están a
transformar o comportamento organizativo a todos os niveis no lugar de
traballo.
239