Actas do Seminario Internacional O futuro da memoria - Arquivos de ...

Figura 2: Panorámica
de conceptos a
manexar.
284
❚ Dixitalización de documentos
❚ Procedementos de copiado auténtico e conversión
entre documentos electrónicos, así como
dende papel ou outros medios físicos a formatos
electrónicos.
No momento de redacción deste texto estas
normas atópanse en curso de elaboración, polo
que aquí soamente se poden apuntar os numerosos,
diversos e interrelacionados conceptos que
hai que manexar e de ser o caso concretar, así como
as grandes orientacións e cuestións que se deberían tratar á luz do estado
da arte na materia e cuxos detalles deberán precisarse e acordarse.
O desenvolvemento das normas técnicas de interoperabilidade estase a
realizar no ámbito dos órganos da Administración con competencia en materia
de Administración electrónica, segundo a mesma dinámica de participación
de todas as administracións públicas que se aplicou para a realización
dos Esquemas Nacionais de Interoperabilidade e de Seguridade.
Política de xestión de documentos electrónicos
O Real decreto 4/2010 define a Política de xestión de documentos electrónicos
como
aquelas orientacións ou directrices que define unha organización para a creación
e xestión de documentos auténticos, fiables e dispoñibles ao longo do
tempo, de acordo coas funcións e actividades que lle son propias. A política
apróbase ao máis alto nivel dentro da organización, e asigna responsabilidades
en canto á coordinación, aplicación, supervisión e xestión do programa de tratamento
dos documentos a través do seu ciclo de vida.
E establece que:
incluirá directrices para a asignación de responsabilidades, tanto directivas como
profesionais e a definición dos programas, procesos e controis de xestión de
documentos e administración dos repositorios electrónicos, e a documentación
dos mesmos, a desenvolver polas administracións públicas e polas entidades de
dereito público vinculadas ou dependentes daquelas.
A norma técnica de interoperabilidade de política de xestión de documentos
electrónicos persegue, en consecuencia, ofrecer pautas para a implanta-