Actas do Seminario Internacional O futuro da memoria - Arquivos de ...

Novos retos en PARES (Portal de Arquivos
Españois): Interoperabilidade, normalización,
calidade descritiva e eficiencia do acceso ao
patrimonio arquivístico dixital español
Alfonso Sánchez Mairena
Jefe de Área de Relaciones Institucionales.
Subdirección General de los Archivos Estatales. Ministerio de Cultura
Introdución
No ano 2001 publicáronse os Principios de Lund (Principios, 2001), polos que
se primaba as fontes de coñecemento científico e cultural como unha das liñas
estratéxicas para o fomento da memoria escrita, analóxica e electrónica,
e como e o coñecemento como unha das bases do desenvolvemento, cultural,
científico e económico na Europa da primeira metade do século XXI.
A sociedade do coñecemento e da información pon de manifesto a importancia
do acceso público e a preservación a longo prazo dos arquivos, potenciando
especialmente a xestión da información que se xere en formato electrónico,
pero tamén, fomentando a dixitalización dos fondos documentais
da tradicional memoria escrita e o máximo nivel de xestión electrónica dos
servizos públicos arquivísticos. Estas serían algunhas das chaves do moderno
concepto da Memoria da Sociedade da Información [Memory of the Information
Society]. A ela, no ámbito da Unión Europea se consagraron importantes
esforzos de asesoramento e respaldo técnico para os profesionais do
mundo dos arquivos, as bibliotecas e os museos como DLM-FORUM Electronic
Records [www.dlmforum.eu], o MINERVA eEurope [www.minervaeurope.org
], para o desenvolvemento de metodoloxías e técnicas de traballo que
faciliten o desenvolvemento da Administración electrónica, a dixitalización e
o acceso en rede [on-line] de toda esta memoria escrita xurídico-adminstrativa,
cultural ou científica. Dentro do ámbito dos arquivos do entorno europeo
é boa mostra destas inquietudes a elaboración do Report on Archives
(Report 2005), destinado a materializar a cooperación entre os sistemas arquivísticos
dos países membros da Unión Europea (UE/EU) para poñer en
práctica e-Europe Action Plans and digitisation. Este documento ofrece o estado
da cuestión sobre os arquivos de cara a xulgar un papel estratéxico no
sector do coñecemento e as tecnoloxías no século XXI; e destaca especial-
385