Actas do Seminario Internacional O futuro da memoria - Arquivos de ...

«Dentro de DRAMBORA, a conservación dixital caracterízase como unha actividade
de xestión do risco; o traballo do conservador dixital é racionalizar as incertezas
e as ameazas que inhiben os esforzos por manter a autenticidade e a
comprensibilidade do obxecto dixital, transformándoas en riscos xestionables.
Dentro do proceso hai implícitas seis etapas. As etapas iniciais requiren que os
auditores desenvolvan un perfil organizativo, que describan e documenten o
mandato, os obxectivos, as actividades e os activos do depósitos. Posteriormente
se derivan os riscos de cada un deles, e pondéranse en termos da súa probabilidade
e do seu impacto potencial. Finalmente, anímase os auditores a concibir
respostas axeitadas para a xestión do risco dos riscos identificados. O proceso
fai posible a asignación eficaz de recursos, capacitando os administradores
do depósito para identificar e asignar categorías ás áreas onde as deficiencias
son máis evidentes ou teñen maior potencial de trastorno. O proceso mesmo é
iterativo e por tanto posteriores comprobacións avaliarán a eficacia das anteriores
implantacións de xestión do risco» (McHugh; Ross, 2007).
O propósito da caixa de ferramentas de DRAMBORA é facilitar o auditor:
❚ A definición do mandato e alcance das funcións do depósito
❚ A identificación das actividades e os activos do depósito
❚ A identificación dos riscos e as vulnerabilidades asociados co mandato,
as actividades e os activos
❚ A ponderación e o cálculo de riscos
❚ A definición de medidas de xestión do risco
❚ O informe sobre a auto-auditoría
A primeira versión da caixa de ferramentas de DRAMBORA foi verificada
en sete depósitos diferentes polos socios de DPE, os que fixeron extensos comentarios
sobre a posibilidade de uso, a metodoloxía e a utilidade da caixa de
ferramentas de auditoría. Tamén se recibiu posterior feedback doutros usuarios
de DRAMBORA, externos ao proxecto DPE. Na actualidade a caixa de ferramentas
foi descargada por máis de 1.000 usuarios diferentes. Despois da
publicación da segunda versión da caixa de ferramentas de auditoría, levouse
a cabo unha serie de cinco auditorías piloto en bibliotecas dixitais (baixo
comisión do DELOS Digital Preservation Cluster) por parte do persoal de DPE
e DCC. A fins de 2008 executaramos 15 auditorías en organizacións nacionais
e internacionais (McHugh; Ross; Innocenti; Ruusalepp; Hofman, 2008):
❚ British Library, (para o Programa Monitor & Review in its Risk Assessment)
, Londres, Reino Unido
189