Actas do Seminario Internacional O futuro da memoria - Arquivos de ...

Aspectos legais e arquivísticos da
Administración electrónica: o impacto
da Lei 11/2007, de acceso electrónico dos
cidadáns aos servizos públicos
A Administración electrónica: cuestións xerais
Introdución | As administracións públicas, dende a súa consideración subxectiva
como organización, realizan un conxunto de actividades de distinta
natureza que, basicamente, se definen arredor dun estatuto constitucional
aplicable a todas elas. O artigo 103.1 CE describe a Administración pública
—a calquera delas— a partir da finalidade da súa actuación, concretada no
servizo aos intereses xerais que debe levar a cabo con obxectividade, eficacia
e pleno sometemento ao Dereito (Enciclopedia, 1995, vol I, 338). A eficacia,
principio establecido no artigo 103.1 CE, é moi desexable e precisamente
as tecnoloxías da información e da comunicación (TIC) poden ser un
instrumento definitivo para conseguila. O seu uso pode ser a solución puntual
ao problema secular do Dereito Administrativo, o de «atopar o xusto
equilibrio entre eficacia e garantía».
Un desenvolvemento tecnolóxico imparable no ámbito da información,
por unha banda, e a extraordinaria incidencia da actividade das administracións
públicas na vida dos cidadáns, cada vez máis esixidas en canto a niveis
de calidade, de eficiencia, eficacia e transparencia, levou consigo a aspiración
a acadar a máxima consecución deses intereses xerais, o cal explica en
gran medida —aínda que non só— a importancia dun proceso que se xeneralizou
en gran número de países e organizacións supraestatais e que, por
canto se refire ás administracións públicas do noso país, aínda que se iniciou
xa no último cuarto do século pasado, acelerouse especialmente na última
década (Valero, 2003, 6-7) 1 .
En realidade, a Administración electrónica é tan antiga como a informática.
Dende hai moitos anos, as administracións públicas utilizan ferramentas
e medios informáticos para ser máis eficientes. No entanto, hoxe en día, a
rápida evolución tecnolóxica e a aposta xeneralizada polas denominadas Tec-
Daniel de Ocaña Lacal
Corpo Facultativo de Arquiveiros do Estado
91