Actas do Seminario Internacional O futuro da memoria - Arquivos de ...

114
Impóñense tarefas que, non por albiscarse dende hai moito tempo como
imprescindibles, se levaron a cabo como, por exemplo, o establecemento de
clasificacións e descricións normalizadas e accesibles en liña respecto de funcións
horizontais e procedementos nas diversas administracións públicas, para
o que as normas como ISAD (G) serían moi útiles(Barbadillo, 2003, 136),
máxime se consideramos a necesaria integración entre cadros de clasificación
e catálogos de procedementos administrativos, cada vez máis frecuentemente
obxecto de normas regulamentarias69 . Ao fin e ao cabo, se un dos
metadatos dos expedientes que, en boa lóxica, haberá de considerarse mínimo
e obrigado é o da adscrición a un tipo de procedemento, isto é, o da súa
clasificación —manual ou automática— como pertencente a unha serie documental,
haberá de contarse cun esquema de valores normalizados que
identifiquen tales procedementos/series…
Todas estas medidas levaranse a cabo sen perder de vista a seguridade da
información na Administración electrónica, polo que os procedementos que
aseguren a recuperación e conservación a longo prazo dos documentos electrónicos
producidos polas administracións públicas no ámbito das súas competencias
forman parte da seguridade ex art. 21.2 do RDENS.
Pois conservación e seguridade da información deveñen en sinónimos se
atendemos ao establecido no art. 22 desta última norma:
4. Os aspectos relativos á sinatura electrónica na conservación do documento
electrónico estableceranse na Política de sinatura electrónica e de certificados,
e a través do uso de formatos de sinatura lonxeva que preserven a conservación
das sinaturas ao longo do tempo.
Cando a sinatura e os certificados non poidan garantir a autenticidade e a evidencia
dos documentos electrónicos ao longo do tempo, estas sobrevirán a través
da súa conservación e custodia nos repositorios e arquivos electrónicos, así
como dos metadatos de xestión de documentos e outros metadatos vinculados,
de acordo coas características que se definirán na Política de xestión de documentos”.
A sinatura electrónica lonxeva é aquela dotada de validez ao longo do
tempo. Conséguese ao ir re-asinando e actualizando os selos de tempo de
forma regular. Este proceso de re-asinado utilízase para garantir que uns datos
que foron asinados con un algoritmo que era válido no seu día, pero inseguros
actualmente debido á evolución tecnolóxica, non perdan valor xa
que se foron re-asinando sempre con algoritmos criptográficos seguros en
cada momento. A sinatura lonxeva ben poidera identificarse como unha «sinatura
de arquivo», elemento definitorio dunha nova tarefa a realizar en ma-