Actas do Seminario Internacional O futuro da memoria - Arquivos de ...

242
niveis) na capacidade das tecnoloxías da información tanto para tratar a volumetría
da actual produción de información como para soster a ‘precisión
de recuperación’ necesaria para unha administración pública eficaz sobre
unha base continuada. A manifestación operativa desta mitoloxías das tecnoloxías
da información —e é autenticamente mitoloxía— é a de que resulta
innecesario considerar o valor dos recursos de información dende ningunha
lente, nin dende ningunha perspectiva-marco, nin xestionar os recursos
de información de maneira diferenciada, dado que o Goberno de Canadá
(obviamente) ten capacidade de almacenamento para mantelo todo, e
poder informático para facer o ‘todo’ instantánea e precisamente accesible
mediante ferramentas de software e aplicacións de busca. En realidade, actualmente
o Goberno de Canadá non ten nin a capacidade necesaria de almacenamento
de información nin a precisión na recuperación da información
que se requiren para xestionar eficazmente o volume de información do
sector público que se está a crear, como tampouco non as ten ninguén, para
o caso (Caron, 2010).
É dalgún modo notable o feito de que a información logrou agora o que
se ten por un estatus de recurso bi-modal, simultaneamente como capital
para a xestión e como mercancía comercial nunha economía global do coñecemento
ben establecida, e ate agora se desenvolveron poucos criterios
ou poucas normas para medir o seu valor real tanto no que se refire á súa
capacidade, como ás estratexias horizontais no uso para asegurar a súa persistencia
ou conservación ao longo do tempo, baseadas na súa utilidade continuada
económica, pública ou doutro tipo, especialmente dados os riscos
asociados cunha pobre xestión dos recursos de información. De feito, cando
LAC decidiu entrar na nova aproximación do Goberno de Canadá á xestión
de documentos, an dirección de normas de documentación para actividades
de programas e servizos institucionais a comezos do 2008, atopamos poucos
exemplos dos que extraer inspiración , con excepción dalgúns requisitos
básicos de documentación dentro das industrias farmacéutica, sanitaria, da
banca, e outros sectores reguladores en gran medida enmarcados baixo a
obriga do ‘deber de documentar’. Non atopamos codificacións reais de normas
de documentación para a administración pública per se en ningún lugar,
e por tanto estabamos obrigados a establecer mecanismos que permitisen
os departamentos e axencias crear as súas propias normas en relación
coas súas responsabilidades organizativas baixo o Management Accountability
Framework do goberno e a Program Activity Architecture institucional
(Caron, 2008).
Library and Archives Canada adoptou a dirección das normas de documentación
para actividades (dentro da administración pública) (Library and