Actas do Seminario Internacional O futuro da memoria - Arquivos de ...

220
económico, e posteriormente como un ben cívico accesible, a memoria pública,
que aporta significado á sociedade ao longo do tempo. Aínda que nos
círculos arquivísticos xeralmente se considerou que constitúen actos de ‘valoración’
ou ‘adquisición’, a este continuo contemplativo espazo-tempo e
punto de decisión chamóuselle recentemente o momento documental
(Brown, Caron, en prensa 2011) 1 .
En Library and Archives Canada, a macrovaloración é realmente a rúbrica
dun programa moi amplo que se refire ás teorías, estratexias, metodoloxías
e procesos empregados pola institución para desempeñar os seus roles e responsabilidades
con respecto á valoración e selección de documentos gobernamentais
e ministeriais, notablemente para desenvolver e recomendar Normas
de Valoración e Selección de Documentos para a súa aprobación polo
bibliotecario e arquiveiro. Estas normas son promulgadas polo bibliotecario e
arquiveiro para proporcionar ás institucións de goberno permiso legal para
seleccionar os documentos que xa non teñen utilidade operativa, e para requerir
a transferencias dos documentos dos que se determina que teñen valor
arquivístico ou histórico á custodia o o control de Library and Archives Canada
baixo os termos e condicións de acordos negociados. Neste senso, a
macrovaloración representa unha manifestación codificada do momento
dentro do contexto operativo da administración pública na medida na que:
❚ Representa un significativo punto de decisión dentro dun continuo particular
de recursos de información baseado nun conxunto particular de
proposicións de valor.
❚ Os resultados da toma de decisións posteriormente conducen á construción
e á constitución da memoria pública.
A ‘aproximación da macrovaloración’ á valoración e selección de documentos
gobernamentais e ministeriais foi introducida por primeira vez en
1991 polo anterior Arquivo Nacional de Canadá para abordar cuestións de
responsabilidade, de política e operativas baixo a nova lexislación que o habilitaba
para iso. Dende ese momento, e dende diversas perspectivas metodolóxicas
e administrativas, evolucionou substancialmente mediante varias fases
de novas reparticións de papeis e de reenxeñería. E unha vez máis hoxe en
día, existen algunhas importantes cuestións emerxentes acerca da capacidade
continuada da macrovaloración para sustentar os obxectivos estratéxicos
de LAC na realización dos seus roles e responsabilidades, en canto o sitio institucional
da memoria corporativa e histórica do Goberno de Canadá.
Este ensaio discutirá a macrovaloración á luz dos retos presentados pola
Era Dixital, incluídas a transformación social, as novas tecnoloxías da infor-