Actas do Seminario Internacional O futuro da memoria - Arquivos de ...

de rexistros mensuais a conservar durante longo tempo, esixe necesariamente
normas e políticas adecuadas de valoración e eliminación de
documentos.
b. A cuestión da validez dos datos incorporados ás bases: naquela mesa
propúxose garantir por lei a validez dos datos contidos nas bases da
SS. Isto xa se contempla no art. 51.2 RDDPLAE… pero dos datos procedentes
en orixe de documentos electrónicos —y, por tanto, asinados
electronicamente— 62 .
O art. 6.2.f LAE establece o dereito dos cidadáns á conservación en formato
electrónico polas administracións públicas dos documentos electrónicos
que formen parte dun expediente. Tralo concepto conservación atopamos
diversas acepcións, en absoluto excluíntes entre si, máis ben o contrario:
❚ Conservación dos documentos públicos en tanto bens públicos.
❚ Conservación dos documentos como testemuño de e presupostos para
o exercicio de funcións administrativas e a defensa de dereitos.
❚ Conservación dos documentos en tanto bens do patrimonio documental.
O primeiro que chama un tanto a atención é a incorporación dunha acepción
máis: a conservación como dereito cidadán, fronte ao que ate agora fora
unha obriga legal das administracións públicas. Esta configuración interpretouse
positivamente nalgúns casos (Serra, 2007, 4), mentres que outros
autores manifestaron certa desconfianza ante o risco de que a finalidade da
conservación abandone o ámbito do interese público para adscribirse ao do
interese particular (Cotino, 2008, 209). Sobre isto último, por exemplo, formúlase
a dúbida, á luz dos feitos, sobre a incidencia do dereito de cancelación
recoñecido aos cidadáns na normativa en materia de protección de datos.
Pois non parece admisible que exista un dereito incondicional do titular
á cancelación dos datos en poer das administracións públicas cando estes
cumpren os requisitos legalmente establecidos (entre outras, pola propia
LDOPDP) en canto á súa recollida, tratamento, uso e conservación63 .
Así mesmo, resulta innegable que ese dereito á conservación camiña paralelamente
a unha asunción crecente de responsabilidade por parte do cidadán
na custodia de orixinais.
É certo que non poden obviarse as normas xerais sobre destrución da documentación
administrativa, que a propia LAE e o seu desenvolvemento regulamentario
contempla, ao regular especificamente tanto a posibilidade de
111