Actas do Seminario Internacional O futuro da memoria - Arquivos de ...

42
Desafortunadamente, a complexidade segue a medrar como fungos —considérese
o crecemento explosivo das redes de sitios persoais Facebook e Twitter—
mentres que a nosa comprensión dos efectos do fluxo de circulación segue
a ser moi estreito (Fisher, 2010).
A perda de memoria e evidencia no mundo dixital débese, de forma crecente,
a que os documentos se manteñen en sistemas interdependentes se
ben dispersos nos que a gobernanza e por tanto a propiedade e outros dereitos
relacionados quedan contestados. A cuestión xa no e como conservar
documentos dixitais en e por institucións arquivísticas, senón quen ten o
control técnico, de xestión e legal sobre vastas cantidades de información
desagregada. Os documentos creados nun lugar por un ou moitos individuos
ou entidades pode que sexan transmitidos e almacenados nun ou múltiples
espazos dixitais para moitos usos. É a infraestrutura técnica o suficientemente
robusta como para soportar a actividade en liña de negocio e social ao
longo do tempo? Haberá porcións de espazo controladas por autoridades arquivísticas
ou por consorcios de organizacións ou intereses da comunidade?
Poden asegurar os arquiveiros a supervivencia de documentos fiables que están
dispersos en e ao longo do tempo e o espazo? Proporcionarán as ferramentas
cooperativas da Internet e as iniciativas de goberno aberto unha
oportunidade para desenvolver unha gobernanza participativa da memoria
dixital en redes dispersas?
Un «espazo» de memoria dixital pode utilizarse para designar un arquivo
que existe en virtude da intención dunha comunidade de usalo e conservalo.
Os espazos de memoria dixital contribúen á memoria colectiva formada a
partir dos documentos de moitas comunidades das que o goberno non é senón
unha. Si se ten que confiar nas organizacións arquivísticas como autoridades
virtuais sobre os espazos web persoais e públicos, teñen que ser parte
de programas de patrimonio e goberno en liña máis amplos. En que momento
do tempo unha autoridade arquivística toma o control dos documentos
é central para o arquivo entendido como un almacén que pode localizarse
en calquera lugar en calquera momento, e asegura a súa supervivencia no
futuro. No entanto, a institucionalización dos arquivos, sexa por mandato legal,
sexa por tradición cimentou ao longo da historia divisións na custodia
que pode que requiran cambios lexislativos e/ou de política para moverse
nunha dirección diferente.
Dende a perspectiva australiana do continuo dos documentos, xestionar
o documento ao longo da súa existencia é un proceso continuo. O concepto
axústase ben a sistemas interconectados e interdependentes. Dende a visión
do continuo dos arquivos o futuro da memoria abarca o «agora» e o