Actas do Seminario Internacional O futuro da memoria - Arquivos de ...

Archives Canada, 2008), por un certo número de motivos, pero primeiramente
porque a nosa investigación e a nosa análise indicaban que o goberno
estaba en gran medida en medio dunha ‘crise de valores da información’
máis que nunha crise de xestión da información (Eisenstein, 1983, 42-91;
Carey, 2009, 155-177; Shirky, 2008; Palfrey y Gasser, 2008, 185-208). 18 Certamente,
eran necesarios algúns axustes críticos aos modos e os medios en
que se xestionaba información dentro do Goberno de Canadá, incluídos de
maneira notable a introdución e a implantación de novos requisitos funcionais
para a xestión de documentos dentro de sistemas electrónicos e o desenvolvemento
de depósitos dixitais seguros. No entanto, o pensamento predominante
en LAC era que a problemática da xestión da información era primeiramente
un produto do volume de recursos de información que se estaban
a crear ou capturar; da ausencia dunha aproximación diferenciada á xestión
dos recursos de información, baseada en criterios de valor administrativo;
e das correspondentes dificultades que circundan a custodia, o control, a
valoración e a selección de recursos de información, unha vez máis enlazadas
na ausencia de criterios de valor para a información. As institucións do
goberno no só estaban a intentar xestionar todos os recursos de información
de maneira acumulativa e sobre unha base continuada, senón que tamén
perderan unha extensa custodia e un extenso control sobre gran parte da
súa información capital, e nos casos en que se estableceran custodias e controis
corporativos, non existía valoración nin selección da información, con
independencia do seu valor. Para todos os efectos, o proceso de valoración
e selección dos documentos do goberno deixara de funcionar eficazmente.
Ou por dicilo doutra maneira, o goberno esquecera o importante que é xestionar
recursos de información sobre unha base de valor diferenciada, e que
importante é tirar información ao lixo sobre unha base sistemática. Permítanme
definir algún contexto adicional arredo destas conclusións.
Anteriormente, aludín a circunstancias polas que a maioría das institucións
do goberno non estaban necesariamente preparadas para o manifesto
da macrovaloración en termos da súa teoría e das súas intencións, pero non
especialmente en relación aos seus requisitos de adquisición e conservación
de documentos, isto é, os departamentos atopaban difícil cumprir cos termos
e condicións das normas de valoración e selección de documentos que
os dirixían a transferir documentos a Library and Archives Canada. A nosa
determinación do valor arquivístico e histórico dos documentos do goberno
—que se basea nunha aproximación funcional-estrutural aos procesos/actividades
institucionais e na correspondente captura da súa evidencia documental
en relación cos obxectivos documentais específicos— non ten tipicamente
vinculacións obvias ou lóxicas cos cadros de clasificación existentes dentro
243