Actas do Seminario Internacional O futuro da memoria - Arquivos de ...

310
4. Configuración da Personalidade Administrativa Dixital. Repositorio de
persoas físicas ou xurídicas con información daquelas que teñen o tiveron
algunha relación coa Administración. Xestiona a documentación aportada
pola persoa e a Administración. A PAD debe servir de base para a integración
de datos comúns entre os distintos sistemas da Administración.
O cidadán non está obrigado a aportar a documentación que xa está en
mans da Administración actuante ou fose xerada por ela (documentos de
ate 5 anos de antigüidade, sempre que así o faga constar o cidadán…).
O funcionario debe poder consultar se efectivamente ese documento está
na Administración para non ter que pedilo ao cidadán. Se está na Administración,
pódese emitir un certificado ao cidadán no que se deixe
constancia deste feito. A utilización da PAD debe garantir a seguridade e
confidencialidade dos datos, tal e como establece a normativa vixente.
Cada documento recollido deberá ir acompañado de:
¬ A identificación do cidadán/entidade á que se asocia a documentación.
¬ Data de alta no sistema do documento.
¬ Data de inicio da validez do documento.
¬ Data de caducidade do documento.
¬ Metacaracteres específicos dos documentos.
Para a incorporación da información se deberán habilitar diferentes procedementos:
¬ O propio cidadán a través da Internet.
¬ Unhas unidades administrativas específicas que recollan, validen e incorporen
ao sistema a documentación que o cidadán entrega en papel
unha única vez.
¬ Os xestores administrativos no momento da tramitación dos expedientes.
5. Mellorar a atención á cidadanía constituíndo un sistema único de información
ao cidadán, que consolide a información que os diferentes departamentos
facilitan ao cidadán, o obxectivo é que para el sexa transparente
o modelo organizativo da administración e se centre en buscar o servizo
que necesita. O sistema de información debe desenvolver canles electrónicas
e establecer novas canles de comunicación (tdt, móbil,…).
6. Constitución da sede electrónica da Xunta de Galicia. A sede electrónica
é a dirección electrónica a través da cal os cidadáns acceden á información,
servizos e trámites electrónicos da Administración. A sede elec-