Actas do Seminario Internacional O futuro da memoria - Arquivos de ...

54
As iniciativas de e-gobernanza e de goberno aberto tamén están dirixidas
por ferramentas cooperativas da Internet social, ás que se fai referencia colectivamente
como Web 2.0. Os gobernos proporcionan blogs para que os
cidadáns comenten cuestións de actualidade, e para proporcionar unha alternativa
ao punto de vista oficial, alterando substancialmente el modo en
que os cidadáns interactúan cos seus representantes electos. O Goberno
australiano está comprometido no uso dos medios sociais para que os seus
cidadáns teñan unha interacción máis directa cos seus gobernos (Government
2.0 Taskforce, 2009). A resposta do Goberno ao Report of the Government
2.0 Taskforce Engage: Getting on with Government 2.0 ten como «Recomendación
Central» o feito de que:
… debería facerse unha declaración de goberno aberto ao máis alto nivel, que
establecera que:
❚ Uso da tecnoloxía para incrementar o compromiso e a colaboración do cidadán
na reutilización de políticas e na provisión de servizos axudará a lograr un
goberno máis consultivo, participativo e transparente.
❚ A información do sector público é un recurso nacional e a súa publicación en
termos tan permisivos como sexa posible maximizará o seu valor económico e
social para os australianos e reforzará a súa contribución a unha democracia
saudable.
❚ O compromiso en liña dos funcionarios públicos, que implica unha robusta
discusión profesional como parte dos seus deberes ou como cidadáns privados,
beneficia ás súas axencias, o seu desenvolvemento profesional, a aquele cos
que están comprometidos e ao público australiano. Este compromiso debería
ser posible e fomentarse.
A satisfacción de todo o anterior a todos os niveis de goberno é integral para
os obxectivos do Goberno, incluídos a reforma do sector público, a innovación
e o uso do investimento nacional na banda ancha para lograr unha comunidade
informada, conectada e democrática (Australian Government, 2010).
O informe do Goberno australiano Ahead of the Game: Blueprint for Reform
of Australian Government Administration adoptou unha aproximación
o servizo público centrada no usuario, e pedía maior colaboración e innovación,
máis compromiso coa comunidade, e un enfoque moito maior sobre os
resultados para os cidadáns (Advisory Group on Reform of Australian Government
Administration, 2010). As recomendacións deste informe foron
aceptadas polo Goberno o 8 de maio de 2010.
As organizacións arquivísticas tamén se viron afectadas ampla e rapidamente
polas redes sociais e comprometéronse directamente cos usuarios,