Actas do Seminario Internacional O futuro da memoria - Arquivos de ...

160
de procedencia xulgados necesarios por eles dentro do marco do Modelo de
Referencia para Comunicacións de Negocio Aceptables e deron aos documentos
que encapsulaban a permanencia que os arquivos requiren. Posteriormente,
a análise da Universidade de Indiana de métodos alternativos que implicaban
a inserción dun «nodo» de programación en todo o software de procesos
de negocio, suxeriu que a súa implantación sería extremadamente difícil
e custosa a escala de organización e utilizando as entón dominantes arquitecturas
de bases de datos relacionais e cliente-servidor (Flynn, 2002). A súa
estratexia reflectía a do proxecto Philadelphia Human Resources Information
Systems, que implantou unha aproximación á xestión de documentos conforme
con BAC nunha soa aplicación de negocio do goberno a fins dos anos noventa
do século vinte, pero demostrou que facelo para todos os sistemas non
sería adaptable (Giguere, 1997; Weinberg et. al, 1998).
Así, máis ou menos fai unha década a implantación dunha solución parecía
máis alá do noso alcance, aínda que a análise indicara en principio como
tería que resolverse. En lugar diso, moitas grandes organizacións arquivísticas
desenvolveron marcos e plans para crear sistemas locais de xestión de
documentos arquivisticamente seguros. Estes esforzos culminaron na publicación
da especificación MoReq, que tamén utilizan arquitecturas clientesservidor,
a comezo dos anos 2000 (DLM Forum). Pero a aproximación EDRMS
(Electronic Documents and Records Management System) era tan pesada e
complexa que se presentaron propostas de solicitudes por centos de millóns
de dólares para desenvolvemento de sistemas, deixando por completo a xestión
de documentos electrónicos fóra da capacidade da maioría das organizacións,
incluso aínda que tivesen experiencia para implantala, algo que fixeron
poucas, se é que algunha. Volvendo atrás a mirada á experiencia dos
últimos cinco anos podemos observar que estes sistemas non tiveron o efecto
de resolver o problema da captura de documentos de arquivo.
Arquitecturas en capas, APIs e Servizos web
A primeiros dos anos noventa do século vinte, eramos conscientes de que as
capas OSI, as interfaces de aplicacións, e o recentemente articulado modelo
OAIS eran parte da solución, sendo este o motivo polo que o Modelo de Referencia
BAC imaxinou unha estrutura de metadatos en múltiples capas con
roles funcionalmente deliñados para cada capa de metadatos, deseñada para
arquivos non orientados pola custodia, nun momento en que o almacenamento
remoto era un asunto contencioso e a súa implantación non trivial.
Nós imaxinamos o uso de APIs e o almacenamento arquivístico remoto, incluso
aínda que Internet non xogaba o rol universal na transmisión de comu-