Actas do Seminario Internacional O futuro da memoria - Arquivos de ...

92
noloxías da Información e do Coñecemento (TIC) como instrumento de desenvolvemento
na chamada Sociedade da Información deron lugar a que, no
contexto das administracións públicas, xurda o concepto de Administración
electrónica como algo diferente, consecuencia da converxencia entre o tecnolóxico
e as técnicas clásicas de Administración e que se redefine a si mesmo
dependendo do ámbito concreto en que nos movamos (Aibar, 2007) 2 .
E-goberno, e-democracia, etc., por analoxía cos máis populares e-commerce
(comercio electrónico), e-business, etc., son algunhas das múltiples expresións
ao uso, aínda que non existe un consenso claro sobre que se entende
exactamente por cada una delas3 , como tampouco atopamos unha única
acepción para outras expresións que, referidas ao ámbito da Administración
pública —e indirectamente relacionadas con despregue da Administración
electrónica—, afianzáronse cada vez máis, como é o caso do termo gobernanza
(Cotino, 2005; Aibar, 2007, 30).
Unha definición de Administración electrónica achámola nun dos símbolos
da nova cultura dixital, a Wikipedia:
A e-administración ou administración electrónica refire calquera mecanismo
que transforma as oficinas tradicionais, convertendo os procesos en papel en
procesos electrónicos, co fin de crear unha oficina sen papeis. Esta é unha ferramenta
que se utiliza para mellorar a produtividade e simplificación dos diferentes
procesos do día a día que se dan nas diferentes organizacións (E-Administración).
Xa no ámbito institucional, a Comisión Europea (Comisión) aporta a seguinte
definición da Administración electrónica: uso das tecnoloxías da información
e as comunicacións nas administracións públicas, combinado con
cambios organizativos e novas aptitudes, co fin de mellorar os servizos públicos
e os procesos democráticos e reforzar o apoio ás políticas públicas.
Esta última definición, ao incluír procesos democráticos e políticas públicas,
vai máis alá do terreo administrativo e recoñécese mellor no concepto
do e-Goberno. No entanto, amósanos que a Administración electrónica é
moito máis que o uso da tecnoloxía. É evidente, e a ninguén se lle escapa as
dificultades que iso ofrece, que non é cosa unicamente de tecnificar senón
de redeseñar numerosos aspectos do funcionamento das administracións
públicas (reenxeñería de procesos, adaptación de normativas…), así como
recoller as transformacións socio-culturais que pode supoñer4 .
Como se pode ver, a medida que se avanza no seu desenvolvemento o
seu obxectivo inicial, a mera oficina sen papeis da que se ven falando dende
xa lustros, amplíase á mellora en xeral de servizos e procesos. Xa non se tra-