Actas do Seminario Internacional O futuro da memoria - Arquivos de ...

En cuarto lugar, tras a descrición do concepto de documento electrónico,
sinatura e metadatos hai que tratar os formatos de ficheiros aplicables ao
contido dos documentos electrónicos. Segundo o ENI, o formato dun documento
electrónico é o conxunto de regras ou algoritmos que define a maneira
correcta de intercambiar ou almacenar datos en memoria. Tratar os formatos
implica referirse a estándares no marco establecido pola Lei 11/2007,
no senso de que se utilizarán estándares abertos e de ser o caso, e de forma
complementaria, estándares que sexan de uso xeneralizado polos cidadáns.
Esta é unha cuestión da que se ocupará a norma relativa ao catálogo de estándares.
En quinto lugar, hai que tratar a estrutura e compoñentes dos documentos
electrónicos en intercambios entre administracións e co cidadán. Cómpre considerar
o documento electrónico como unha unidade lóxica cunha estrutura
que inclúe os seguintes elementos: (i) bloque de datos formado polos datos de
contido, é dicir, os datos en que se substancia a información dun documento,
materializado no ficheiro que soporta tanto o contido como os datos para a
identificación, a autenticación e a validación do documento, tales como a sinatura
electrónica asociada ao ficheiro de contido; e (ii) bloque de metadatos.
Parece conveniente formular, así mesmo, unha proposta para o intercambio de
documentos electrónicos, baseada nun formato XML normalizado, de maneira
que o ficheiro contedor inclúa contido, sinatura e metadatos.
Así, un documento electrónico, na súa forma máis común e simple, estaría
composto por un só ficheiro de información, un conxunto de metadatos
e obrigatoriamente se é un documento administrativo electrónico, unha ou
varias sinaturas electrónicas. Para os efectos do seu tratamento, xestión e
conservación, a suma de compoñentes do documento constituiría un único
obxecto electrónico.
Finalmente cómpre apuntar que esta norma non debería ser un procedemento
de xestión do documento electrónico; nin unha implantación específica
do documento electrónico máis alá de operacións de intercambio e comunicación,
sendo esta libre sempre que cumpra o requisito mínimo necesario
de manter as relacións entre o documento e os seus metadatos.
Expediente electrónico
O Esquema Nacional de Interoperabilidade establece que esta norma tratará
da estrutura e formato do expediente electrónico, así como das especificacións
dos servizos de remisión e posta a disposición do mesmo.
A Lei 11/2007 define no seu artigo 32 o expediente electrónico como o:
conxunto de documentos electrónicos correspondentes a un procedemento
291