Actas do Seminario Internacional O futuro da memoria - Arquivos de ...

364
Así mesmo apoiará a transformación de ideas ou proxectos aportados por
usuarios así como proxectos científicos de contido social, político e cultural da
sociedade vasca, resaltando a rendibilidade do estudo dos fondos do arquivo
para o coñecemento do pasado en diversos aspectos. Nesta liña, participa en
diversos congresos e fará un obradoiro sobre historia, memoria e arquivos.
Na súa liña de ser útil á sociedade, o Centro ofrece información sobre o
valor administrativos e legal dos documentos depositados no AHEB-BEHA, á
marxe do seu indubidable valor pastoral e histórico. Parte da información recompilada
nos documentos do arquivo e especialmente nos rexistros sacramentais,
proporciona datos de interese para a realización de trámites referentes
á nacionalidade, herdanzas, xustificación de propiedades, límites,
cambio de apelidos, etc. Isto é especialmente importante para que o cidadán
—e os estudantes como futuros usuarios destes servizos— valoren os arquivos.
É necesaria unha gran sensibilización e concienciación sobre a necesidade
de conservar os documentos xerados na actualidade en soportes maioritariamente
electrónicos polo valor administrativo actual e polo seu potencial
valor informativo e histórico no futuro.
O Centro de Interpretación de Arquivos ofrece dende o de novembro de
2010 a posibilidade de coñecer os diversos fondos do Arquivo, as súas posibilidades
de investigación, pero sobre todo amosa os diferentes labores que
realizamos no Arquivo para xerar, conservar e difundir a memoria en todo tipo
de soporte.
Quizá un dos aspectos máis rechamantes do Centro Icaro é o seu programa
educativos7 , con vocación de converterse nunha das liñas principais de
actuación cara a captación dun público máis variado en canto a idade e formación.
Da man de Icaroto e Icarota que invitan a aprender xogando, a páxina
web recolle xogos interactivos para diversos niveis nos que poder coñecer
letras antigas, pergamiños, fotografías, facer puzzles. Ademais, a partir
de novembro, o Centro Icaro pretende implantar un servizo pedagóxico de
animación de carácter cultural que responda ás necesidades que distintos colectivos
(centros escolares de ensino primario e secundario, universidades,
colectivos infanto-xuvenís e de adultos) demandan en relación á accesibilidade
adaptada e oferta cultural destinada ao sistema educativo non formal e
oferta de ocio en espazos informais.
En interacción co sistema educativo e deseñado ser un axente educativo
máis, AHEB-BEHA e o centro Icaro pretende dar un paso máis e ofrecer unidades
didácticas que se farán chegar aos centros educativos e que estarán
dispoñibles na plataforma modelos, para que se poidan utilizar no ensino regrado,
segundo os diferentes niveis educativos, potenciando as competencias
básicas de convivencia cívica mediante a conservación e respecto á me-