Actas do Seminario Internacional O futuro da memoria - Arquivos de ...

56
da polo goberno como un medio para crear máis apertura e responsabilidade,
pero as implicacións legais destas ferramentas non foron comprobadas.
As iniciativas de goberno aberto non son tan abertas
O «todo do goberno» en liña, de actividade a actividade, así como de actividade
a consumidor, baséase no nivel de confianza que existe entre cidadán
e estado. A obriga do goberno de informar o público das súas accións
é un principio democrático. Pero, mellorará o goberno aberto os dereitos
baixo a lexislación de liberdade de información (FOI)? Varios posts no blog
do Goberno australiano sobre FOI [Freedom of Information] no momento
en que as reformas á FOI se estaban a propoñer expresaban certo temor a
que o Goberno non publicara material politicamente sensible, pero estes
posts xa non están accesibles nese sitio. Os comentarios subidos ao blog
dun xornal en relación coa divulgación nos medios do Goberno das reformas
da FOI foron moi escépticos respecto a unha maior apertura do Goberno
(O’Connor, 2010).
As leis de liberdade de información existiron durante algunhas décadas na
maioría de democracias estables occidentais, e, dende 1989, un movemento
internacional de acceso aberto viu como se aprobaban leis de liberdade
de información nos antigos países do Leste de Europa. En Australia, as reformas
da FOI a niveis federal e estatal, así como o decrecemento no período
de acceso aberto para os documentos do goberno federal de 30 a 20 anos
están a pechar o oco nos réximes de acceso. A Lei de liberdade de información
funcionou nos Estados Unidos dende 1966. Na Unión Europea a transparencia
das actividades do goberno mediante lexislación do estilo da de Liberdade
de Información é máis recente; por exemplo, no Reino Unido a Lei
de liberdade de información de 2000 soamente se fixo operativa en 2005,
mentres que a República de Irlanda aprobou unha Lei de liberdade de información
en 1997. Italia aprobou unha lei de transparencia en 1990
(241/1990). Ao mesmo tempo, a capacidade dos cidadáns para implicarse
nun debate político público informado foi bloqueada por toda unha gama
de exencións e retrasos na localización de información. A pesar das iniciativas
de gobernos aberto, a lexislación anti-terrorista posterior ao 11 de setembro
cortou moitas liberdades civís; en particular, conduciu a emendas ou
á restrición da lectura da lexislación de liberdade de información en moitos
países (Iacovino, 2010).
Gran parte do que se sabe acerca do Goberno foi revelado por xornalistas
de investigacións, grupos de comunidades de interese público, litigantes
e denunciantes que pasan por riba das regulacións sobre liberdade de infor-