Actas do Seminario Internacional O futuro da memoria - Arquivos de ...

dería carrexar consecuencias graves e de alto impacto social no terreo da cultura
e a identidade nacional, pois podería desaparecer a memoria rexistrada
de lapsos completos de tempo.
En canto ao enfoque que relaciona o goberno electrónico favorecendo
novas formas de vínculos entre o estado e os cidadáns a este se lle identifica,
dentro dos modelos xa existentes2 , co modelo asociativo no cal o goberno
participa como coordinador, ao tempo que os cidadáns e outros actores
sociais son considerados partes constituíntes (Kaufman, 2003). Así, as estratexias
de administración electrónica inclúen ao cidadán como parte da mesma
beneficiándoo co acceso a un tipo de información e de servizos que en
xeral deben ser o resultado da súa propia participación. Segundo Kaufman
(2003, 4),
Trátase de satisfacer intereses individuais e intereses colectivos; e, ao mesmo
tempo, promover a cohesión social e executar as políticas públicas (…) considerando
cada parte como relevante. É a morte do usuario ou o cidadán abstracto…
Os enfoques de goberno electrónico dende esta perspectiva encerran entre
os seus obxectivos tanto a reorganización da administración con propósitos
de eficiencia como a potenciación da participación cidadá e a capacidade
de rendición de contas transparente e responsable das administracións a
través dun uso intensivo e estratéxico das TICs. Neste último aspecto adóitase
distinguir a importancia do acceso dos cidadáns á información relevante
que poida ser avaliada en canto á súa veracidade, confiabilidade e autenticidade,
nun proceso que, segundo Nacións Unidas, outorga valor agregado ao
uso das TICs a partir das habilidades das persoas para dialogar cos tomadores
de decisións. (Naciones Unidas, 2003).
❚ Goberno electrónico na América Latina e o Caribe
Ben que o uso de computadoras por parte dos gobernos en América Latina
pode situarse entre os anos 70 e 80 do pasado século, a utilización de redes,
a asimilación intensiva das TICs na Administración pública e especialmente a
emerxencia de estratexias de goberno electrónico ocorre na década de 1990,
coincidindo coa aplicación das chamadas “reformas do Estado” e “Nova
Xestión Pública”, que, asumindo unha perspectiva crítica do modelo de capitalismo
neoliberal, intentan aplicar as ferramentas xerencias cunha orientación
máis social, buscando potenciar tanto a propia natureza social da Administración
pública como a súa racionalidade e eficiencia.
73