Actas do Seminario Internacional O futuro da memoria - Arquivos de ...

380
cos. O número de imaxes xeradas nesta primeira fase ascendeu a 69.525,
obtidas a partir dos orixinais conservados en 10 centros arquivísticos (oito deles
arquivos municipais) 12 .
Reproducidos e descritos os documentos medievais, antes de iniciar a segunda
fase (ano 2006) foi necesario acordar os documentos obxecto de dixitalización
para a Época Moderna —o criterio cronolóxico permanece e impera—,
e non houbo dúbida: as actas capitulares dos concellos —a administración
máis antiga e próxima aos cidadáns—, conteñen a información
máis completa e de maior interese para a investigación e a historia local, proporcionan
as bases que permiten coñecer e comprender os sinais de identidade
de cada pobo e ademais achantan a elaboración de estudos máis amplos
e globais. Trece concellos da Rexión de Murcia conservan actas capitulares
do século XVI (obxecto da segunda fase), co que cinco arquivos municipais
se engadiron aos que participaron na fase anterior para acadar agora
as 107.156 imaxes.
As actas capitulares dos concellos continuaron como obxectivo de reprodución
dixital durante a terceira fase (2007). Nesta ocasión foi o século XVII
a meta marcada e, como é lóxico, medrou o número de municipios participantes,
ate chegar a dezaoito, cinco máis que na fase anterior, e tamén aumentou
a cifra de imaxes tomadas, que foi de 201.904. No entanto, o CAR-
MESÍ experimentou un significativo xiro na súa cuarta fase (2008), xa que
modificou a súa concepción orixinal, cuxo designio eran os documentos públicos,
para que puidesen ter cabida igualmente os fondos de carácter privado.
Así, os documentos sinalados que se conservan no Arquivo da Real Sociedade
Económica de Amigos do País da cidade de Murcia foron dixitalizados,
e incluídas no proxecto as 19.344 imaxes resultantes13 . Ao mesmo tempo,
rompeuse co rigor da cronoloxía e o documentos textual, e procedeuse
á reprodución de 33.744 fotografías, conservadas en soportes de vidro e
acetato, dos séculos XIX e principios do XX, que, ademais da transcendental
reportaxe de acontecementos históricos que ofrecen e os aspectos estéticos
que conteñen, comunican unha precisa e puntual información sobre as personaxes
da época na que quedou fixada a imaxe14 .
A acción e efecto de diversificar as fontes susceptibles de dixitalización e
difusión confirmouse o pasado ano 2009 coa reprodución das coleccións
completas e os exemplares soltos que aínda se conservan da prensa local publicada
na Rexión de Murcia, que se concentra sobre todo e de forma maioritaria
entre os anos 1870 e 1940, aínda que o primeiro xornal murciano data
de 1786. O triunfo do liberalismo e da liberdade de expresión no século
XIX favorece a aparición de publicacións periódicas que se converten en instrumentos
de comunicación de masas e, como tales, son utilizadas tamén