Actas do Seminario Internacional O futuro da memoria - Arquivos de ...

228
a animaban, notablemente a natureza, o alcance e a escala da produción de
información en termos dunha volumetría abafante e da extensa perda de
custodia e de control organizativos sobre información concibida e considerada
como recurso para a xestión. Os tributos da procedencia dentro das redes
de información —que proporcionan e apoian a negociación coas fontes de
orixe/autoridade administrativas ou doutro tipo para os efectos de conservar
a memoria a nivel institucional ou organizativo dentro do contexto da macrovaloración—
tamén deviñeron problemáticos (Brown, 1995, 121-172) 12 .
De importancia crítica e fundamental, no entanto, era a conspicua ausencia
de proposicións de valor adecuadas e actualizadas que fixeran posible a
creación, a captura, a xestión e a valoración e a selección de recursos de información
dentro de departamentos e axencias individuais, e en xeral en todo
o goberno. En terminoloxías arquivística, ao goberno faltáballe unha estratexia,
unha metodoloxía e os correspondentes criterios para ponderar o
valor dos seus recursos de información para os efectos de levar a cabo as súas
actividades públicas. Mediante a Directiva de Xestión de Documentos, o
primeiro paso cara a resolución deste problema foi requirir aos departamentos
e ás axencias que identificaran e aseguraran a creación de recursos de información
que tivesen valor de xestión (Treasury Board of Canada Secretariat,
2009). Con este paso actualmente en marcha e en fase de cumprimento
e implantación, pode a extensión dos principios da macrovaloración ao
contexto institucional de xestión de documentos axudar o goberno a establecer
o valor de xestión dos seus recurso de información? Como veremos
posteriormente, o comezo da resposta a esta pregunta é un si ‘cualificado’.
Dous contos sobre a crise e o Manifesto da Macrovaloración
En Library and Archives Canada, a introdución dos novos principios e conceptos
da valoración dos documentos do goberno comezou dentro do contexto
de discusións internas e externas acerca da reforma da valoración a fins
dos anos oitenta e comezos dos noventa. Se se observan a posteriori as discusións
internas, pódense identificar un certo número de factores que contribuíron
ao inicio dun ‘movemento de reforma’ do dominio local, que posteriormente
conduciu á transformación dos fins, obxectivos, criterios e procesos
da valoración da institución, determinando colectivamente o estatus e
a valoración e a selección da información do sector público. Unha descrición
das circunstancias ambientais que conduciron orixinariamente ao Arquivo
Nacional a propoñer a estratexia da macrovaloración para a valoración e a
selección de documentos públicos foi detallada nun certo número de artigos
e ensaios; no entanto, para os efectos de establecer o contexto e os víncu-